Yerli ulduzlar bu dəfə hansı hadisələrlə üzləşdi?

Türkiyənin tanınmış aktyoru ilə evli olan azərbaycanlı model Günay Musayeva yenidən əvvəlki formasına qayıdıb.  

    Türkiyənin tanınmış aktyoru ilə evli olan azərbaycanlı model Günay Musayeva yenidən əvvəlki formasına qayıdıb. Bu ilin mayında ana olan Musayeva 6 ayda 26 kq artıq çəkisindən azad olub. O, bu qədər arıqlamasını belə əsaslandırıb: “Cahangiri gəzdirmək, Tolqanın tempi ilə ayaqlaşmaq məni əritdi”. 
    Meyxanaçı Namiq Qaraçuxurlu toyunun tarixini dəqiqləşdirib. O , mart ayında ailə qurmağı planlaşdırır. "Ümid edirəm ki, bu mərasim martdan gec olmayacaq. İndi qonaqların siyahısını dəqiqləşdiririk", -deyə meyxanaçı əlavə edib. 
     Xalq artisti Aygün Kazımova növbəti dəfə piratçılıqla üz-üzə qalıb. Belə ki, İstanbulda pirat albomlar hazırlayan bəzi şəxslər Aygün xanımın ifasında sevilən "İkinci sən" və "Hayat ona güzel" hitlərini türk ulduzlarının mahnılarının yer aldığı qeyri-qanuni yığma disklərə əlavə edib. Xanım Kazımova bildirdib ki, İstanbula edəcəyi səfəri zamanı bu məsələni boş buraxmayacaq: "Çalışdığım "Dokuz-Sekiz" şirkəti bununla məşğul olacaq. Ən azından müəllif albomumun tamamlanma işlərinin getdiyi bir vaxtda, bu cür "sürprizlər"in olmasını istəmirəm"-deyə o, vurğulayıb. 
     Oksana Rəsulova özünün mənfi cəhətini açıqlayıb. Rəqqasə bildirib ki, o həddən artıq səmimi insandır. Bu özlüyündə müsbət amil sayılsa da, rəqqasə bunu həm də mənfi cəhət sayır. 
"Hərdən lazım olmayan yerlərdə səmimi oluram. İnsanlara həddən artıq inanıram, düşünürəm ki, onlar da mənə qarşı eyni hisslərlə yanaşırlar", - deyə o, söyləyib.

 

Xəyalə Əzizova

 

Muz-Tv.az