Tahir Eynullayev tədbir təşkil etdi

Respublika İncəsənət Gimnaziyasının xoreqrafiya şöbəsinin 15 illik yubleyi ərəfəsində tədbir keçirilib. 

    Respublika İncəsənət Gimnaziyasının xoreqrafiya şöbəsinin 15 illik yubleyi ərəfəsində tədbir keçirilib. Xalq artisti Təranə Muradova başda olmaqla gimnaziyanın müəllimlərini ətrafına toplayan əməkdar artist Tahir Eynullayev həmin günü hind rəqslərinə həsr edib. Qonaq olaraq dəvət olunan Solmaz Əsgərova gənc rəqqasələrə öz rəqslərini nümayiş etdirib. Uşaqlar tərəfindən diqqətlə izlənilən rəqslər müəllimlər tərəfindən də xoş qarşılanıb. 
    Nəhayət sonda xalq artisti Təranə Muradova çıxış edərək bu gündən məmnunluğunu bildirib və gənclərin rəqsə olan marağının artmasının onda xoş hisslər yaratmasını xüsusilə vurğulayıb. Xalq artistinin çıxışından sonra ona öz ürək sözlərini ünvanlayan Solmaz xanım da Təranə xanım tərəfindən rəğbətlə qarşılanıb. Uşaqlıqdan bu sənətin vurğunu olduğunu deyən gənc rəqqasə onunla eyni səhnədə olduğuna görə özünü xöşbəxt hesab etdiyini qeyd edib.
    Tədbirin təşkilatçısı Tahir müəllim də qonaqlarından məmnunluğunu bildirərək gələn aya digər rəqs nümunləri nümayiş etdirəcəyini vurğulayıb. 
Musiqi sədaları altında davam edən mərasim xoş anlarla yadda qalıb.

 

Aytən Zöhrabqızı
Elfaq Lələyev

 

Muz-Tv.az