Məşhurlardan xəbər var

Xalq artisti İlhamə Quliyevanın təşkil etdiyi ikinci doğum günü mərasimində bir neçə maraqlı hadisə baş verib.  

    Xalq artisti İlhamə Quliyevanın təşkil etdiyi ikinci doğum günü mərasimində bir neçə maraqlı hadisə baş verib. Onlardan ən yaddaqalanı teleaparıcı Zabir Əliyevlə müğənni Nazəninin məşhur “Can-Cana” mahnısını fərqli tərzdə ifa etmələri olub. İlk olaraq sənətçi dostları Könül Kərimova da onlara qoşulmaq istəsə də, nədənsə bir az oxuyub, duetə mane olmamağı üstün bilib.
   Tanınmış estrada müğənnisi Röya Ayxan bir neçə gündür ki, Türkiyənin İstanbul şəhərindədir. Bu səfərin məqsədi tam açıqlanmasa da, qısa müddəti əhatə edəcəyi bildirilir. Belə ki, müğənni noyabrın 5-dək Bakıda keçiriləcək iki toy məclisində iştirak edəcəyinə söz verib.
   Populyar müğənni Sevda Yahyayeva həyatda ən böyük qorxusunun tənhalıq olduğunu deyib. Müğənninin sözlərinə görə, evdə tək qalan kimi əhvalı pozulur və bu an ifaçı dostlarına zəng edir ki, onun yanına gəlsinlər. Sevda Yəhyayeva tənhalıqdan və unudulmaqdan qorxduğunu və bu hisslərə nifrət etdiyini vurğulayıb.
   Müğənni və bəstəkar Emin Ağalarovun “Baby Get Higher” mahnısı artıq üçüncü həftədir ki, “Billboard TOP-20” Amerika çartlarında xüsusi yer tutmaqda davam edir. Muz Tv müğənninin rəsmi saytına istinadən xəbər verir ki, ilk iki həftə ərzində “Baby Get Higher” kompozisiyası 19-cu yerdən 17-yə qalxıb. Bununla yanaşı, ifaçının Amerika və Kanadaya II turlarının vaxtı dəqiqləşib. Noyabrın 12-dən 20-dək davam edəcək tur çərçivəsində Emin Ağalarov öz kollektivi ilə Nyu-York, Los-Anceles, Toronto, Nyu-Cersi və Konnektikuta səfər edəcək. Həmin şəhərlərdə mətbuat nümayəndələri ilə görüşəcək və noyabrın 15-də işıq üzü görəcək yeni “After The Thunder” albomunun dəstəkləmək üçün bir neçə çıxışlar edəcək.

 

Xəyalə Əzizova

 

Muz-Tv.az.