Məşhur Dj Kris Leyk Bakıda konsert verdi

Azərbaycana gələn məşhur dj Kris Leyk dənizkənarı istirahət mərkəzlərindən birində çıxışı ilə klubseverləri əyləndirib.  

     Azərbaycana gələn məşhur dj Kris Leyk dənizkənarı istirahət mərkəzlərindən birində çıxışı ilə klubseverləri əyləndirib. Kris Bakıda olmağından məmnunluq duyduğunu və buranın insanlarının çox xoşuna gəldiyini ifadə edib. Gecənin aparıcısı Camal Eminli belə tədbirlərin keçirilməsinin vacibliyini vurğulayıb. Gəncləri keyfiyyətli musiqi dinləməyə səsləyən Dj Rem kimi tanınan Ramil Əşrəfov Kris Leyk, Markus Şults kimi dünyaca məşhur dj-lərin Bakıya gətirilməsini dəstəklədiyini və bu tərzdə tədbirlərin keçirilməsi üçün hər bir kömək göstərdiyini bildirib: “Bu yay belə miqyasda olan tədbir ilk dəfədir ki, keçirilir. Yəqin ki, bundan sonra da ardıcıl olaraq hər yay belə konsertlər olacaq.”
    Dj-lik sahəsində kifayət qədər auditoriya toplayan Dj AKG də keçirilən gecə barədə öz hisslərini Muz Tv tamaçaşıları ilə paylaşıb: “Rusiyadan və Gürcüstandan gələn gənclər də bugünkü tədbirə qatılıb. İnanıram ki, bizim gənclər də onlardan ibrət götürüb elektron musiqiyə olan sevigilərini bildirəcək.”
    Gecənin iştirakçılarından biri olan Dj Hazy kimi tanınan Hezi Kərimov isə gələcəkdə xarici dj-lərlə birgə layihələrin ola biləcəyini xatırladıb: “Yeni layihələr gözlənilir. Biz Avropaya çıxmaq istəyirik və buna nail olacayıq.”

Sona Mehdiyeva
Rüfət Qarayev

Muz-Tv.az