“Mən 16 min manata görə vətənimdən qaçaram ki?!”

Əməkdar artist Mehriban Xanlarovanın Azərbaycandan kənara çıxması qadağan edilib.

 

     Əməkdar artist Mehriban Xanlarovanın Azərbaycandan kənara çıxması qadağan edilib. Aktrisanın qeydiyyatda olduğu rayonunun məhkəməsi onun borclu olduğu qərarını çıxarıb: “Məni tanıyanlar bilir ki, mən borclu qalmağı sevmirəm”.
     Məhkəməyə verilməsinə səbəb isə Mehriban Xanlarovanın bank vasitəsilə kreditlə aldığı avtomobil olub: “Mən maşınımı Lalə Dadaşovaya satmışdım, o da bir başqasına satdı və budur, maşın ortada yoxdur. Bankın özü də o insanı tapmağa mənə köməklik eləməlidir”.
     Qərardan narazı qalan akrtisa Bakı Apellyasiya məhkəməsinə müraciət edib: “Apellasiya Məhkəməsi hər iki tərəfin fikrini ləğv elədi və 4-5 günə yenidən məhkəmə olacaq”. Ölkədən çıxarılmasına məhdudiyyət qoyulan Mehriban Xanlarovanı təsirləndirən məqam da var: “16 min manata görə Mehriban Xanlarova Azərbaycandan qaçar ki?!” – deyə o bildirib.
     Reklama ehtiyac duymayan əməkdar artist baş verən hadisələrin heç də piyar məqsədi daşımadığını vurğulayıb.

Səbinə Zöhrabqızı
Vüsal Babayev

Muz-Tv.az