Murad Sadıx keçmiş sevgilisinə etiraf etdi

Lirik mahnıların sevilən ifaçısı Murad Sadıx yenidən Fərhad Göçərin repertuarına müraciət edib.  

     Lirik mahnıların sevilən ifaçısı Murad Sadıx yenidən Fərhad Göçərin repertuarına müraciət edib. Belə ki, müğənni “Yanqınım büyük” mahnısından sonra çox bəyəndiyi “Cənnət”i dinləyicilərinə təqdim edib. Sadəcə Fərhad Göçərdən fərqli olaraq Murad Sadıx onu “W-trio” və “Aypara” qrupunun keçmiş solisti Əminə ilə birgə ifa edib.
     Lirik mahnılara daha çox üstünlük verən müğənni bu sükutu pozacağını qeyd edib: “Artıq yavaş-yavaş şən mahnılara keçəcəm. Amma 100% söz vermirəm ki, bundan sonra yalnız ritmik mahnılar oxuyacam, lirik də olacaq, ritmik də”- deyə o, fikrini bildirib.
     Hələ klip çəkdirməyə maddi imkanı yetməyən müğənni “Möcüzə” mahnısının ona gətirdiyi uğurdan danışıb. Murad vurğulayıb ki, əgər klip çəkdirmək fikrinə düşsə, siyahısında məhz bu mahnı birinci yerdə dayanacaq.
Sevgilisinin olmadığını söyləyən müğənni, bu yaxınlarda ayrıldığını, ancaq hələ də o insanın ürəyində qaldığını etiraf edib.

Ülviyyə Xəlilbəyli
Ramal Gülməmmədov

Muz-Tv.az