Məşhurlardan ən isti xəbərlər
Səhnənin ekstravaqant ulduzu Samir Bağırov dəyişməyi qarşısına məqsəd qoyub.
Səhnənin ekstravaqant ulduzu Samir Bağırov dəyişməyi qarşısına məqsəd qoyub. Belə ki, müğənni 10 kq arıqlamaq niyyətindədir. Bu barədə ifaçının yaxın dostu, stilist Samir Əliyev açıqlama verib: “Samirlə barışdıqdan sonra onun qarşısına qoyduğum tələblərdən ən birincisi xarici görkəmində dəyişiklik etmək oldu. Əslində bədən ölçüləri o qədər də pis deyil. Sadəcə istəyirəm 10 kq arıqlasın”. Ciddi pəhrizlə yanaşı ,idmanla da məşğul olan Bağırov avqustun 21-i - doğum gününə qədər arzuladığı formanı əldə edəcəyinə inanır.
Türkiyənin ən sevilən “Öylə bir Geçər Zaman ki” serialının aktyoru Araz Bulut İynemli, Azərbaycanın və qardaş ölkənin birgə işi olan “Mahmud və Məryəm” filmində baş rol ifa edəcək. Aktyor Azərbaycanın xalq yazıçısı Elçin Əfəndiyevin “Mahmud və Məryəm” adlı romanı əsasında çəkilən, 16-cı əsrdən bəhs edən filmdə əsas qəhrəman Mahmudu canlandıracaq. O,hazırda filmdəki rolu üçün at minmə və qılınc oynatma dərsləri alır. Qeyd edək ki, filmin ssenarisi artıq tamamlanıb.
Türkiyənin məşhur aktrisalarından biri Hande Ataizi 3ildən bəri birlikdə olduğu jurnalist Benjamin Harvi ilə ailə qurmağa hazırlaşır. Toyun tarixi də artıq dəqiqləşib və cütlük sentyabrın sonunda evlənəcək. Qeyd edək ki, “İzdivac” proqramında onlarla insanı qovuşduran Ataizi bu dəfə özü nikah masasında oturacaq.
Türkiyənin tanınmış teleaparıcısı Saba Tümer Çeşmədə dənizdə istirahət edərkən paparazzilər tərəfindən yaxalanıb. Türkiyə mətbuatının verdiyi məlumata görə, teleaparıcının yanında iş adamı Uğur Güven olub. Saba Tümer jurnalistlərə bildirib ki, Uğur Güvenlə dostdur. Qeyd edək ki, daha əvvəl də cütlük çox səmimi şəkildə kameralara görüntülənmiş, lakin bunla bağlı münasibət bildirməmişdi.
Dünyaca populyar aktrisa Ancelina Coli həftədə ən azı bir gün uşaqları ilə birgə bazarlıq edir. Brad Pittlə olan xoşbəxt ailə həyatı haqqında danışan aktrisa 6 uşağın yaşadığı bir evdə sirr saxlamağın son dərəcə çətin olduğunu vurğulayıb: “Hər an qapıların açıla bildiyi bir evdə yaşayırıq. Buna görə uşaqlarla dürüst olmağa çalışırıq”. Romantik bir axşam keçirəcəklərinə qərar verdikləri an cütlük bu barədə mütləq uşaqlarla məsləhətləşir: “Onlar bizimlə qalmaq istəsələr də, valideynlərinə anlayış göstərib baxıcılarının yanına gedir” – deyə gözəl aktrisa şəxsi həyatından danışıb.
Hollivudun tanınmış aktyoru Brad Pitt yeni mövsümdən “ Möhtəşəm Yüzyıl” serialında çəkiləcək. Aktyor böyük bir döyüşdə Sultan Süleymana qarşı vuruşan ordunun sərkərdəsi obrazını canlandıracaq. Bu barədə məlumatı Türkiyənin “Sabah”qəzeti yayıb. Aktyor isə filmdə iştirakı haqqında xəbəri hələ ki, nə təsdiq, nə də təkzib edib.
Xəyalə Əzizova
Muz-Tv.az