"Həyat yoldaşım bədbəxt oldu..."

"Şəxsi həyatımda bəxtəvər ola bilmədim, yarımadım.

Həyat yoldaşım, mərhum Xalq artisti Tofiq Qarayev bədbəxt oldu. Deyirəm ki, heyif səndən. Kaş sən bu sənətə gəlməyəydin. Elə mən də. Bizdə elə bir qüvvə var idi ki, heç kimin gözü götürmədi. Bizim ailəmizi də kimsə qaldıra bilmədi. Mən paxıl olmamışam. Çalışmışam tərəf müqabillərim güclü olsun. Amma tərəf müqabilləri çalışır zəif olsun".

Bu sözləri Xalq artisti Fatma Mahmudova televerilişin birində deyib.

Aktrisa mərhum həyat yoldaşı, Xalq artisti Tofiq Qarayevdən danışıb.

O bildirib ki, bir çoxları onun paxıllığını çəkib: "Gücüm çatmadı onu saxlamağa. Gücüm çatsaydı, əlini buraxmazdım. Əhatəsi çox pis idi. Heç kim istəmirdi ki, Tofiq Qarayevi kütlə tanısın. Öldürməyincə, ondan əl çəkmədilər. İndi məni öldürmək istəyirlər. Əl çəkin məndən, qoyun yaşayın".