"Anamla rəfiqə kimi məsləhətləşirik..."

"Səhnədə ikinci Aygün Kazımova mən ola bilərəm" deyə, bir söz deməmişəm.

Çünki səhnədə ikinci üçüncü, dördüncü Aygün Kazımova ola bilməz".

Bu sözləri Xalq artisti Aygün Kazımovanın müğənni qızı İlqarə televerilişin birində deyib.

O, anası ilə bağlı bu fikirləri səsləndirib: "Biz anamla rəfiqə kimi məsləhətləşirik. Hazırda dizaynerlərlə çalışmıram. Anamın zövqü gözəldir. Deyə bilərik ki, stilistim anamdır. Hətta bir sirr açım, çox gözəl makiyaj da edir. Həm özünə, həm də başqasına peşəkar şəkildə makiyaj edə bilər. Bəzən mənə də edir. Düşünürəm ki, o müğənni olmasaydı, "make-up" artist olardı".

İlqarə şəxsi həyatından da söz açıb: "Hazırda ailə qurmaq fikrim yoxdur. Hər şey ola bilər. Bir də gördünüz sabah toy oldu".