“Müşfiq Şahverdiyev yeni serial çəkəcək”

Müşfiq Şahverdiyev yeni lahiyələr üzərində çalışır. Serial çəkməyi planlaşdıran aktyor bu haqda ilk dəfə danışıb.  

     Müşfiq Şahverdiyev yeni lahiyələr üzərində çalışır. Serial çəkməyi planlaşdıran aktyor bu haqda ilk dəfə danışıb: “Serial çəkmək fikrimiz var. Bu haqda heç kəsə deməsək də, az da olsa sizə məlumat verdik. Yəqin ki, lahiyənin səsi sentyabrda çıxacaq”.
    Yeni çəkilən seriallara dəvət alsa da, təklifləri qəbul etmədiyini söyləyən Müşfiq bunun səbəbini açıqlayıb: “Gələn təkliflərdə özümü görə bilmədiyim üçün razılıq verməmişəm. Ən nifrət etdiyim şey sünilik etmək, kitab dili ilə danışmaqdır. Bu gün bizim seriallarda isə bu daha çox özünü göstərir. Qorxuram ki, təklifləri qəbul etməklə nəinki qabağa gedərəm, əksinə itib bataram” – deyə o, məsələyə münasibət bildirib.
     Yeni fəsil üçün “Bu da bu” lahiyəsindəki personajları təzələməyi düşünən aktyor hələ ki, tərəddüdlüdür və bununla bağlı Murad Dadaşovla məsləhətləşir. Layihədə yer alan “Mübi” rolunun gerçək həyatdan götürüldüyünü söyləyən Müşfiq Şahverdiyev rola öz fantaziyalarını da əlavə edib.

 

Ülviyyə Xəlilbəyli
Ramal Gülməmmədov

 

Muz-Tv.az