Məşhurlar övladlarını birinci sinfə yola salıb

Bilik günündə sənət aləminin bəzi simaları da övladlarını birinci sinfə yola salıb.

    Bilik günündə sənət aləminin bəzi simaları da övladlarını birinci sinfə yola salıb. Müğənni Rəqsanə İsmayılova qızı Yağmurla bağlı təəssüratlarını bölüşüb: “Mənim gözəlim, Yağmurum 1-ci sinfə gedir. Bütün balaları təbrik edirəm, uğurlar arzulayıram. Uşaqlığım yadıma düşdü. Mənim gözəl balam, Allah səni bütün arzularına çatdırsın. İlk bilik gününü təbrik edirəm”. Müğənni Röya Ayxanın oğlu Hüseyn də bu gün birinci sinfə yollanıb. Müğənni Elnarə Xəlilova da oğlu Harunu birinci sinfə yola salıb: “Mənim ümidim, köməyim oğul. Arxam, dayağım, dirəyim oğul. Səni birinci sinfə getməyin münasibətiylə ürəkdən təbrik edirəm. O gün olsun ali məktəbə gedəsən”. Müğənni Miri Yusifin oğlu Mir Hüseyn də bu gün birinci sinfə gedənlər arasındadır. Bu gün xalq artisti Brilliant Dadaşovanın ad günüdür.

   Brilliant Dadaşova 1959-cu ilin 15 sentyabrında Bakı şəhərində anadan olub. Brilliant Dadaşova musiqi karyerasına 1983-cü ildə Eldar Mansurovun mahnıları ilə başlayıb. 1985-ci ildə Brilliant Dadaşova Moskvada keçirilən Ümumdünya Gənclər Festivalında ilk dəfə böyuk səhnəyə gəlib. 1986-cı ildə Brilliant Dadaşova və Akif İslamzadənin lentə aldırdıqları "Hər şey gözəldir həyatda" adlı mahnı Azərbaycanda çox məşhurlaşıb. Həmin ildə Dadaşovanın eyni adlı musiqi albomu çıxıb. 1987-ci ildə o, sovet ifaçıları arasında keçirilən müsabiqədə birinci yerə nail olub. 1989-cu ildə Brilliant Dadaşovanın çox məşhur "Bayatılar" adlı mahnısı işıq üzü görüb. 1997-ci  ildə Brilliant Dadaşova Azərbaycanın əməkdar artisti adına layiq görülüb. Həmin ildə o, bir sıra Azərbaycan müğənnisi və Norveçin SKRUK ansamblı ilə birlikdə "Landet vi kommer fra" Azərbaycan-Norveç layihəsində iştirak edib. 1999-cu ildə Brilliant Dadaşova bələdiyyə seçkilərində qalib gələrək Bakı şəhəri Səbail bələdiyyəsinə üzv seçilib. 2008-ci ildə Brilliant Dadaşova Azərbaycanın xalq artistı fəxri adına layıq görülüb.

Ailəlidir, bir oğlu var. Həm Azərbaycan, həm də Türkiyə vətəndaşıdır.

     Müğənni Röya Ayxanın evi yanıb. Axşam.az-ın məlumatına görə, bu barədə müğənninin köməkçisi Cavid məlumat verib: "Çox böyük yanğın olmayıb. Ancaq evin dəhlizi yanıb. Özü yaxşıdır, salamatdır. Röya özü çox qorxub, stress yaşayır". 

     Müğənni Sevinc Musayeva gündəmdən uzaqlaşmasının səbəbini açıqlayıb. İfaçı açıqlamasında verilişləri tənqid edib: “Son zamanlar proqramlara dəvət alıram, amma qəbul etmirəm. Məni qane etməyən məsələlər var. Çünki əksər verilişlər maraqsızdır. Aparıcılar və mövzular isə ikiqat mənasızdır. Bundan sonra dəvət aldığım verilişlərdən ancaq özüm seçdiyim proqramda görünəcəm. Efirdə görsənmək naminə digər həmkarlarım kimi dəridən-qabıqdan çıxmayacam. “Nə veriliş, nə mövzu, hansı qonaq olursa olsun fərq etməz, təki efirdə görünüm” fikri mənlik deyil. Çünki mən özümə hörmət edən insanam”.

     Müğənni Aysel Əlizadə tədbirlərin birində fotokamera qarşısına keçərək, şəkillər çəkdirib. İfaçı qısa ətəyi və göbəyiaçıq köynəyi ilə diqqət çəkib. 

 

Əhəd Miriyev

 

MuzTv.az