İzzət Bağırzadənin konsert afişaları oğurlandı

Müğənni İzzət Bağırzadənin sentyabrın 18-i Yaşıl Teatrda baş tutacaq konsertinin afişaları oğurlanıb. 

    Müğənni İzzət Bağırzadənin sentyabrın 18-i Yaşıl Teatrda baş tutacaq konsertinin afişaları oğurlanıb. İzzətin fikrincə, konsertinə sayılı günlər qala onu gözü götürməyən şəxslər artıq bu hərəkəti ilə özlərini bir daha büruzə veriblər: “Afişalara cəmi 2500 manat vermişəm. O da oğurlanıb. Bunu necə bacarıblar bilmirəm. Çünki onu vurmaq 4 saat vaxt aparır. Reklamı yayan şirkət özü yenisini vurdu”.

    Bütün bu maneələrə baxmayaraq Bağırzadə “Mənim dünyam” adlı musiqili gecəsinə hazırlaşmaqda davam edir: “Konsertqabağı iki klip çəkdirdik. Duetlərimiz var. Tədbir 2 saat olacaq. Konsert Üzeyir Hacıbəyovun doğum gününə təsadüf etdiyinə görə, repertuarıma dahi bəstəkarımızın da əsərlərini daxil etmişəm”.

 

Sevda Məmmədova                

Elfaq Lələyev

 

Muz-Tv.az