Fahriye Evcen tez-tez Burakın olduğu yerə gedir

Aktrisa Fahriye Evcen sevgilisi Burak Özçivitin iştirak etdiyi serialın çəkiliş meydançasına gəlib.

    Aktrisa Fahriye Evcen sevgilisi Burak Özçivitin iştirak etdiyi serialın çəkiliş meydançasına gəlib. Axşam.az-ın Türkiyə mediasına istinadən məlumatına görə, o, Burakın "Kara Sevda"dakı tərəf müqabili Neslihan Atagüllə öpüşmə səhnəsini görəndən sonra tez-tez sürpriz şəkildə çəkiliş məkanlarına gəlir. F.Evcen isə bunu sadəcə Özçivitin işinin çoxluğu ilə əlaqələndirir: "Az görürəm deyə, tez-tez onun olduğu yerə gedirəm".

   Aktrisa Cessika Alba Nyu-Yorkda özünün kosmetik brendinin təqdimatını edib. Aktrisa təqdimat gecəsinə eleqant ağ libasda yollanıb. Geyimini çəhrayı ayaqqabıyla tamamlayan Cessika sadə makiyaj edib. C.Alba açıqlamasında “The Honest” kosmetik vasitələrinin tamamilə təbii və təhlükəsiz komponentlərdən hazırlandığını deyib. 

    Aktyor Kənan İmirzalıoğlu yeni evə köçən aktrisa Sinem Kobala hədiyyə alıb. Yaxın zamanda nikah masasına oturacağı deyilən cütlük paparatsilərdən uzaq durmaya çalışır. Dünən Kənan əlində hədiyyə ilə Sinemin evinin qabağında görüntülənib. Fotoqrafları görüncə aktyor onlara belə reaksiya verib: "Dostlar, şəxsi həyatımıza bir az hörmət edin".

   Aparıcı Burcu Esmersoy sevgilisi Tuna Aksu ilə görüntülənib. Dünən Nişantaşında axşam yeməyinə çıxan cütlük məkandan ayrılarkən jurnalistlərin heç bir sualına cavab verməyiblər. B.Esmersoyun kefinin olmaması diqqətdən yayınmayıb.

 

Əhəd Miriyev

 

MuzTv.az