Ədalət Şükürov yeni klipini təqdim etdi

Əməkdar artist Ədalət Şükürov “Bakı qızları” adlı mahnısına çəkdirdiyi yeni klipini təqdim edib. 

    Əməkdar artist Ədalət Şükürov “Bakı qızları” adlı mahnısına çəkdirdiyi yeni klipini təqdim edib. Axşam.az-ın məlumatına görə, mahnının sözləri Eldar Allahyaroğluna, musiqisi isə Eldar Mansurova məxsusdur.  Ekran işinin rejissoru Fuad Əlişovdur. Ə.Şükürov klipdə maraqlı imici ilə diqqət çəkib.

   Əməkdar artist Nüşabə Ələsgərli "Susdu” adlı mahnısına çəkdirdiyi klipini təqdim edib. Sözləri və musiqisi Aysel Nəcəfliyə aid olan mahnının ekran həlli rejissor Nail Naiboğluna həvalə olunub.

   Müğənni İradə İbrahimova ikinci dəfə ana olub. Bu haqda sosial şəbəkədə sənətçinin vizajist bacısı Nigar İbrahimova yazıb. O, körpəyə Əli adının qoyulduğunu qeyd edib: “Əli, xoş gəldin! Gözəl Allahım, çox sağ ol ki, bizə bu hissləri yaşatdın. Ceyhun, İradə sizi bu gün üçün təbrik edirəm. İpəyimizə qardaş gəldi. Allah bütün olmayanlara qismət etsin! Xanımlarımız analıq hissini duysun!”. Qeyd edək ki, İ.İbrahimova türkiyəli iş adamı Ceyhun İzərlə ailə qurub. Cütlüyün İpək adlı bir qız övladı da var. 

   Müğənni İlhamə Qasımova sosial şəbəkədə ünvanına yazılan təhqirlərə cavab verib. Əsəbiləşən sənətçi hər kəsi mehriban olmağa səsləyib:“Dost olanlar və olmayanlar, xahiş edirəm diqətli davranın. Hamımız azərbaycanlıyıq, böhtan, təhqirdən uzaqlaşaq, müsəlmanıq. Əgər kimisə bəyənmirsinizsə, fikrinizi özünüzdə saxlayın. Çünki mənfi enerjini yaymaq yox, gizlətmək lazımdır. Gözümüzü yumub açırıq, ömür yarı olur. Bu fani dünyada nə qədər vaxtımız var ki, onu da böhtana və təhqirə həsr edək? Hərdən ingilis və rus dilində şərhlər yazıram. Çünki onları xaricdə yaşayan dostlarıma ünvanlayıram. İnstaqram orta məktəb deyil, mən də Azərbaycan dili müəlliməsi. Bura sosial şəbəkədir. Hər kəs bacardığı kimi istifadə edir”.

 

Əhəd Miriyev

 

Muz-Tv.az