İş adamının qızı ilə dalaşan müğənni səsini itirdi

Müğənni İrina Dubtsova ilə iş adamı Oleq Andreyevin qızı Darya arasındakı qalmaqal ifaçıya təsirsiz ötüşməyib. 

   Müğənni İrina Dubtsova ilə iş adamı Oleq Andreyevin qızı Darya arasındakı qalmaqal ifaçıya təsirsiz ötüşməyib. Axşam.az Rusiya mətbuatına istinadən xəbər verir ki, İrina bu davadan təkcə mənəvi deyil, fiziki zədələr də alıb. Belə ki, Darya tərəfindən burnu sındırılan müğənni xəstəxanada gözlənilməz diaqnozla qarşılaşıb. Belə ki, əvvəlcə səsini itirən Dubtsovaya həkimlər güclü kəllə-beyin travması diaqnozu qoyublar. Bu səbəbdən onun bir müddət xəstəxanada qalmalı olduğu deyilib. Qeyd edək ki, İrina səsini itirdiyindən noyabrdakı konsertini təxirə salmalı olub.

    Hər zaman qeyri-adi geyimləri, saç düzümləri ilə diqqət obyektində olan barbadoslu müğənni Rihanna bu dəfə də ənənəsinə sadiq qalıb. Müğənni bu yaxınlarda Nyu-York küçələrində obyektivlərə tuş gəlib. 27 yaşlı Rihanna reper Trevis Skotun konsertinə qatılıb. Gecə üçün qara libas seçən ifaçı maraqlı dizaynlı ayaqqabıları ilə diqqət çəkib. Ayaqqabısının qalın ipləri pop ulduzun bütün ayağı boyunca dolanıb. “Chanel”dən çanta götürən Rihannanın libası isə “The Reformation”dan olub. 

   “Mad man” serialıyla tanınan aktyor Con Hamm 18 illik sevgilisi Cennifer Vestfeldtdən ayrılıb. Ailə qurmadan 18 il birlikdə yaşayan cütlük bu barədə özləri açıqlama yayıb: “18 il boyunca sevgini paylaşdıqdan sonra böyük kədərlə ayrılmağa qərar verdik. Ancaq bir-birimizə hər zaman dəstək olacağıq”.  Cütlüyün ayrılmasına səbəb kimi Conun alkoqol asılılığından əziyyət çəkməsi göstərilir.

 

Sevda Məmmədova

 

Muz-Tv.az