İzzət Bağırzadə yeni klip çəkdirib

Müğənni İzzət Bağırzadə “Roman” adlı mahnısına klip çəkdirib. 

    Müğənni İzzət Bağırzadə “Roman” adlı mahnısına klip çəkdirib. Bu haqda Axşam.az-a ifaçının prodüseri Rauf Sahiboğlu xəbər verib. Ekran işinin rejissoru Pərviz Oktayoğlu, prodüseri R.Sahiboğlunun özüdür. Maraqlı süjet xətti olan “Roman”ın təqdimatı İ.Bağırzadənin sentyabrın 18-də “Yaşıl Teatr”da keçiriləcək konsertində baş tutacaq. 

    "Eurovision 2011" qalibi Eldar Qasımov bəyəndiyi xanım tipindən danışıb. İfaçı açıqlamasında bunları bildirib:"Ən böyük arzum odur ki, həyat yoldaşım xörək bişirməsin. Dostlarımın çoxu evlənib, xanımları dadlı yemək bişirir. Onlar artıq kökəlib. Bu da mənim xoşuma gəlməyən amildir. Həftədə bir dəfə pis yemək bişirsin. Deyirəm sarışın, qaraşın qız tapıram. Hündür xanım istəyirəm, alçaqboylu olur. Ona görə də istəyirəm ideal xanımım mətbəxdə vaxt keçirməyən olsun".

     Müğənni Ayan Babakişiyeva əkiz qardaşı Samir və övladı Selena ilə fotokamera qarşısına keçib. İfaçı eyni zamanda qardaşı ilə münasibətlərindən, onun tələblərindən danışıb: “Qardaşımla əkiz olsaq da, tam fərqli insanlarıq. Hər zaman ona həsəd aparmışam və onunla fəxr edirəm. Çox realist insandır. Bizdən uzaqda yaşayır. Nə vaxt əhvalım pis olursa, Samir bunu hiss edir. Həmişə yanımda olduğunu hiss edirəm. İndi Selenaya çox bağlıdır. Məni yaddan çıxarıb. Qardaşım həmişə intellektual səviyyəmin yüksək olması üçün mənə kömək edir. Bilmədiklərimi öyrətməyə çalışır”.

    Ukraynada evlənən azərbaycanlı müğənni Vaqif Nağıyev xanımı ilə birlikdə Bakıya qayıdıb.  Cütlük gəzinti zamanı çəkdirdikləri fotoları sosial şəbəkədə paylaşıblar. Fotoda V.Nağıyevin anası da yer alıb. Qeyd edək ki, V.Nağıyev “Ukraynanın səsi” müsabiqəsində iştirak edib. O, avqustun 23-də Elmira adlı xanımla nikah masasına oturub. 

 

Əhəd Miriyev

 

Muz-Tv.az