Alim Qasımov ailəsi ilə Malaziyada dincəlir

Xalq artisti Alim Qasımov ailəsi ilə Malaziyaya istirahətə yollanıb. 

    Xalq artisti Alim Qasımov ailəsi ilə Malaziyaya istirahətə yollanıb. Axşam.az-ın məlumatına görə, muğam ifaçısı xanımı Tamilla və qızı, əməkdar artist Fərqanə Qasımova ilə fotolarını sosial şəbəkədə paylaşıb. Qeyd edək ki, A.Qasımov və Tamilla cütlüyünün iki qız, bir oğlan övladı var.

   Müğənni  Rəqsanə İsmayılova solo konsert verəcək. İfaçı açıqlamasında bunları bildirib: “Noyabrda konsert edəcəm. Heç kimin etmədiyini orada mən gerçəkləşdirəcəm. Bütün təşkilatçılıq işlərini Tolikə həvalə edəcəm. Toliklə illər əvvəl birlikdə çalışmışıq. Biz nə pullar qazanmışıq... Son günlər verilən konsertlərin heç birində yenilik görmədim. Hamısı təkrarçılıq idi. Şou yoxdur. “Yaşıl Teatr”dakı konsertimdə saçımın bir tərəfini keçəl etdirdim, səs saldım. Konsertdə canlı oxumaq, səs göstərmək lazımdır. Camaatı fonoqramla aldatmaq olmaz. Heç bu ilin hit mahnısı, klipi də olmadı. Getdim Türkiyədə bir klip çəkdirdim, hamı ondan danışdı. İndi birini də çəkdirmişəm. Əsl klip elə o olacaq”.

   Prodüser Tolik xalq artisti Aygün Kazımova ilə yollarını ayırmasından danışıb: O, açıqlamasında bunları bildirib: “Münasibətimizi dost kimi bitirmişik. İşlə bağlı əlaqəmiz var. Onu məclisə dəvət edən, mənlə əlaqə saxlayır. Kiminsə haqqında pis danışa bilmərəm. O vaxtlarım getdi. Hətta Röya ilə Aygün xanım eyni gündə konsert verdi. İkisini də sosial şəbəkədə paylaşdım. Mən Aygün Kazımova, Röya ilə işləyib, bu gün tələbatlı prodüser olmuşam. Onlar haqda necə pis danışım?”.

   Rusiyanın tanınmış “Fabrika” qrupu Bakının qonağı olub. Qrup üzvləri Heydər Əliyev adına Hava Limanında çəkdirdikləri fotonu sosial şəbəkədə paylaşıblar. Daha sonra isə prodüser Tolik onların videosunu sosial şəbəkədə paylaşaraq “Fabrika” qrupu Bakıya toya gəlib” sözlərini yazıb.

 

Əhəd Miriyev

 

MuzTv.az