Xalq artisti Səyavuş Aslanın ad günüdür

Tanınmış teatr və kino aktyoru, xalq artisti Səyavuş Aslanın ad günüdür. 

     Tanınmış teatr və kino aktyoru, xalq artisti Səyavuş Aslanın ad günüdür. “Şərəf” ordenli xalq artisti 1935-ci il sentyabrın 5-də Bakıda doğulub. Azərbaycanın realist aktyor məktəbinin görkəmli nümayəndələrindən olan S.Aslan uzun illər Musiqili Komediya Teatrında çalışıb. 1994-96-cı illərdə həmin teatrın rəhbəri olub. O, televiziya tamaşalarında yüzdən artıq rol ifa edib, “Əhməd haradadır”, “Yol əhvalatı”, “Ulduz”, “Bəyin oğurlanması”, “Evlənmək istəyirəm”, “Yuxu” və s. kimi bir çox məşhur filmlərdə müxtəlif obrazlar yaradıb. S.Aslan uzun sürən xəstəlikdən sonra 2013-cü ildə, 77 yaşında dünyasını dəyişib.

     Əməkdar artist Almaz Ələsgərli bacarıqlarından danışıb. Axşam.az-ın məlumatına görə, müğənni açıqlamasında dadlı yeməklər bişirdiyini və heç vaxt depressiyaya düşmədiyini bildirib: "Ev işləri ilə aram yoxdur. Amma dadlı yeməklər və şirniyyatlar bişirməyi sevirəm. İnsan çətin anında depressiyaya düşür. Heç vaxt belə hal yaşamamışam. Deyilənə görə, depressiyada olanda oturursan evdə, heç nə etmirsən. Heç insan da belə olar? Mənə deyirlər ki,  "Sən həmişə gülürsən. Heç problemin yoxdur". O qədər problemim var ki... Çalışıram insanlara göstərməyim. Qarşımdakılara pozitiv aura vermək istəyirəm. İllərdir beləyəm, dəyişməyəcəm də".

     "Eurovision 2011" qalibi Nigar Camal qızları ilə yeni fotolarını paylaşıb. Müğənni şəklə "Ananın qucağında. Uşaq üçün onu qucaqlayan ana qollarından gözəl nə ola bilər? Jasminimin 9 yaşı var, amma mənim üçün o, hələ də balacadır. Uşaqlar o qədər tez böyüyür ki..." sözlərini yazıb. Qeyd edək ki, N.Camalın Səidə və Jasmin adlı iki qızı var. 

      Rəqqasə Fatimə Fətəliyeva ilk dəfə müğənni kimi fotokamera qarşısına keçib.  Sənətçi ərəb mahnısı oxuyub və ona klip çəkdirib. Ekran işinin rejissoru Nail Naiboğludur.

 

Əhəd Miriyev

 

MuzTv.az