“Toyda ifa edənlər sənətçi ola bilər, amma sənətkar ola bilməz”

“Natiq ritm” qrupunun rəhbəri Natiq Şirinov ən böyük arzusunun oğlu Ümidin toyunu görmək olduğunu deyib...

    “Natiq ritm” qrupunun rəhbəri Natiq Şirinov ən böyük arzusunun oğlu Ümidin toyunu görmək olduğunu deyib: “Allahdan bir arzum var, oğlum Ümidin toyunu görüm və Tanrı ona bir oğul qismət etsin. Mənim işimi isə Ümiddən sonra onun oğlu davam etdirsin”.

     Möhtəşəm səhnələrdə minlərlə tamaşaçı qarşısına oğlu Ümid və komandası ilə birgə çıxan əməkdar artist, el şənliklərindən söz açıb. Şirinovun fikrincə toyda ifa etməklə sənətkar olmaq olmaz: “Toylara mən də gedib beş-on manat pul qazanıram. Amma toy sənət yeri deyil. Toyda ifa edənlər sənətçi ola bilər, amma sənətkar ola bilməz. Sənətkar olmaq üçün gərək Fikrət Əmirov, Qara Qarayev, Üzeyr Hacıbəyov, Rəşid Behbudov nəslindən olasan ki, Azərbaycanı dünyaya tanıda biləsən”.

 

Sevda Məmmədova

Elfaq Lələyev

 

Muz-Tv.az