Teylor Svift yeni klipinə görə tənqid olundu

Teylor Sviftin “Wildest Dreams” mahnısına çəkilən yeni klipi tamaşaçılara təqdim olunduqdan sonra müğənni tənqid atəşinə tutulub. 

     Teylor Sviftin “Wildest Dreams” mahnısına çəkilən yeni klipi tamaşaçılara təqdim olunduqdan sonra müğənni tənqid atəşinə tutulub. Axşam.az "Trend"ə istinadən xəbər verir ki, videonun süjetinə əsasən, T.Sviftin qəhrəmanı köhnə dəbli Hollivud filmində çəkilir. Hadisələrin Afrikada cərəyan etməsinə baxmayaraq, videoda bir qaradərilinin belə olmaması rasizm və müstəmləkəçilik ittihamlarına səbəb olub.

     Aktrisa Bergüzar Korel və həyat yoldaşı, aktyor Halit Ergenç dünən dostlarıyla bir yerdə görüntülənib. Bergüzar hamilə olması haqda yayılan xəbərlərə reaksiya verib. O, dedi-qodularla bağlı "hələlik belə bir şey yoxdur, xeyirlisi..." deyərək jurnalistlərdən uzaqlaşıb. Qeyd edək ki, cütlüyün Əli adlı oğulları var.

     Şoumen-aktyor Cem Yılmazın tanınmış aktrisa Naz Elmasla sevgili olduğu deyilir. Aktyor, model-müğənni Ayşə Xatun Önaldan ayrıldıqdan sonra yeni münasibətə başlamaq qərarına gəlib. Cemin budəfəki seçimi isə bu yaxınlarda həyat yoldaşı Emre Kıramerdən ayrılan Naz olub. Bir aydır ki, münasibətdə olduqları deyilən tanınmışlar paparassilərdən qaçmaq üçün şoumenin villasında görüşürlər. N.Elmasın rəfiqələrinə “Cem Yılmazı çox sevirəm. Kaş, daha əvvəl tanıyaydım. Məni çox güldürür” söylədiyi iddia edilir.

     Rusiyanın “plus-size” modeli Yuliya Lavrova jurnallardan birinə müsahibə verib. Yuliya karyerasına necə başlamasından danışıb: “5 il əvvəl təsadüfən modellik karyerama başladım. Sosial şəbəkədə bir neçə fotomu yerləşdirmişdim. Onları böyük bədən ölçülü libaslar hazırlayan brendlərdən birinin nümayəndəsi görüb və məni çox bəyənib”. Lavrova artıq çəkilərini atmağın onun üçün çətin olmadığını deyib: “Əvvəl 120 kiloqram idim. Sonra 35 kiloqram arıqladım. Bununla sübut etmək istəyirdim ki, çəkilərimdən qurtulmağa qadirəm. İndi 85 kiloqramam”.

 

Əhəd Miriyev

 

MuzTv.az