Xalq artisti Yaşar Nurinin ad günüdür

Bu gün Azərbaycanın xalq artisti, Azərdbaycan Dövlət Mükafatı laureatı Yaşar Nurinin ad günüdür. O, 1951-ci ildə Bakıda aktyor Məmmədsadıq Nuriyevin ailəsində dünyaya gəlib.

    Bu gün Azərbaycanın xalq artisti, Azərdbaycan Dövlət Mükafatı laureatı Yaşar Nurinin ad günüdür. O, 1951-ci ildə Bakıda aktyor Məmmədsadıq Nuriyevin ailəsində dünyaya gəlib. Səhnəyə ilk dəfə on bir yaşında "Toy kimindir?" tamaşasında Tapdıq rolunda çıxıb. Məktəbli vaxtlarında dövlət televiziyasının "Yelkən" verilişinin aparıcılarından olub. 1968-ci ildə Bakıdakı 173 nömrəli orta məktəbi bitirib, Azərbaycan Dövlət İncəsənət İnstitutunun dram və kino aktyorluğu fakültəsinə daxil olub. 1974-cü ildə Akademik Milli Dram Teatrının baş rejissoru Tofiq Kazımovun dəvətilə bu kollektivin aktyor truppasına qəbul olunub. Teatr aktyoru kimi görkəmli sənətkar olan Yaşar Nuri həm də məşhur kino ustasıdır. Onun böyük populyarlıq qazandığı çoxlu ekran obrazları var. Əlliyə yaxın bədii filmə çəkilib. “Alma almaya bənzər”, “Yol əhvalatı”, “Bəyin oğurlanması”, “Ölsəm, bağışla”, “Qətl günü”, “Mənim ağ şəhərim”, “Ağ atlı oğlan”, “Yoxlama” və s. kimi məşhur filmlərdə sevilən rolları ilə yadda qalıb. Xalq artisti uzun sürən xəstəlikdən sonra 2012-ci ildə noyabrın 22-də dünyasını dəyişib.

    "Eurovision" qalibi Nigar Camal İnstagramda maraqlı fotosunu paylaşıb. Ayaqları ilə tut ağacından asılan Nigar, paltarının ətəyini əli ilə qoruyub. İfaçı şəkili paylaşarkən bu sözləri qeyd edib: "Tut ağacım. Uçan siçan...".

    Müğənni Gülay Zeynallı yeni fotosessiya etdirib. Sənətçinin stili üzərində Elnur Həsənov çalışıb. G.Zeynallı yaxın günlərdə yeni albomunu, klipini və mahnılarını sevənlərinə təqdim edəcəyini bildirib.

    Təşkilatçı Nahid Emiloğlu dünyaca məhşur Mandini Bakıya gətirəcək. Ulduzun yerli tamaşaçıların qarşısında çıxışı dekabrın 31-nə, Dünya Azərbaycanlılarının həmrəyliyi Günü və Yeni ilə təsadüf edəcək. Bu barədə o, İnstagram səhifəsində məlumat verib: "Yeni ildə fərqli müğənni, fərqli gecə. Bakı Əyləncə Mərkəzində. Mandi".

 

Əhəd Miriyev

 

MuzTv.az