Avril Lavin həyat yoldaşından ayrıldı

Müğənni Avril Lavin həyat yoldaşı Çad Kryuqerdən ayrılıb.

   Müğənni Avril Lavin həyat yoldaşı Çad Kryuqerdən ayrılıb. Axşam.az-ın xarici KİV-ə istinadən məlumatına görə, 2 ildir evli olan cütlüyün boşanması haqda xəbərlər keçən il yayılmağa başlasa da, müğənni ilk dəfə bu haqda İnstaqram hesabında yazıb: "Ürəkdən kədərlənərək Çadla boşanmamızı elan edirəm. Bizim evliliyimiz bir yerdə yaratdığımı musiqi kimi idi, özüylə çoxlu xoş xatirələr saxladı. Biz bundan sonra ən yaxın dostlar olacağıq". Qeyd edək ki, 2000-ci illərin ulduzu Avril Lavin ölümcül "Lyme" xəstəliyindən əziyyət çəkir. O, bu haqda qatıldığı proqramlardan birində demişdi.

   24 yaşlı model Emili Ratakovski yeni fotosessiyada iştirak edib. Robin Thickenin "Blurred Lines" klipindən və Ben Afflekin də iştirak etdiyi "Gone Girl" filmindən sonra daha da məşhurlaşan gənc qız seksuallığı barədə də danışıb: "Mən heç vaxt bədənimin xüsusi bir gözəlliyinin olduğunu düşünməmişəm. Bizim cəmiyyətdə qadın bədəninin bu qədər diqqət çəkməsi məni təəccübləndirir. Anam seksuallığımdan heç vaxt utanmamağımı, eyni zamanda istifadə etməməyimi tapşırıb. Atam isə fotolarıma görə mənim xəcalət çəkməyimi istəməyib".

   Rusiyalı model İrina Şeyklə aktyor sevgilisi Bredli Kuper Avropa tətillərini başa vurublar. Cütlük hava limanında paparassilərin hədəfində olub. İrina ilə Bredli yay istirahətini bitirib Nyu-Yorka yola düşüblər. Qara libas geyinən 29 yaşlı modelin kameralardan qaçmaq istəyi gözlərdən yayınmayıb. Qara libas geyinən Şeyk gözlərini eynəklə gizlədib. 40 yaşlı Bredli isə papağı ilə üzünü örtməyə çalışıb.

   Sonuncu dəfə "Medcezir" serialında görünən Çağatay Ulusoyun yeni filmi artıq hazırdır. Leyla Lidia Tuğutla iləs baş rolları paylaşan aktyor film üçün imicini də dəyişmişdi. Ssenarisini Yıldırım Türker, rejissorluğunu Ali Bilginin etdiyi film noyabrda tamaşaçılara təqdim olunacaq.

 

Əhəd Miriyev

 

Muz-Tv.az