Elnarə Xəlilova ailəsi ilə birlikdə

Müğənni Elnarə Xəlilova ailəsi ilə yeni fotolarını sosial şəbəkədə paylaşıb. 

    Müğənni Elnarə Xəlilova ailəsi ilə yeni fotolarını sosial şəbəkədə paylaşıb. Axşam.az-ın məlumatına görə, Lənkərana gedən sənətçi şəkillərə “Mənim 35, yoldaşımın isə 38 yaşı var” sözlərini yazıb. Qeyd edək ki, E.Xəlilova aparıcı Rövşən Cahangirovla ailə qurub. Cütlüyün ikisi oğlan, biri qız olmaqla üç övladı var.

    Rəqqasə Oksana Rəsulova ilə müğənni İlhamə Qasımova birlikdə filmə çəkilirlər. Rəqqasə bu barədə sosial şəbəkədə yazıb: “Bu yaxınlarda yeni film çəkilişləri başlayacaq. Hələ ki, bu haqda heç bir şey demək istəmirəm. Amma onu bildirim ki, mən və İlhamə Qasımova bu filmdə rol almışıq. Təbrik edə bilərsiniz. Düşünürəm ki, bizi ayrı-ayrı obrazlarda bədii filmdə görmək maraqlı olacaq. Şəxsən, mənə çox maraqlıdır”.

    Müğənni İzzət Bağırzadə sentyabrın 18-də verəcəyi solo konsertinə hazırlaşır. “Yaşıl Teatr”da baş tutacaq tədbirə ifaçı xüsusi hazırlaşır. O, qeyri-adi səhnə dizaynı hazırlatdırdığını bildirib: “Səhnə dizaynı çox fərqlidir. Ayın 15-dən səhnəni qurmağa başlayacağıq. 140 ədəd işıq quraşdırılacaq. O səhnədən hələ heç kimdə olmayıb”.

    Müğənni Fatimə Fətəliyeva yeni klip çəkdirib. Sənətçi bu dəfə rəqqasə kimi yox, müğənni kimi kamera qarşısına keçib. Ərəb mahnısı oxuyan sənətçi ekran işini rejissor Nail Naiboğluna həvalə edib. F.Fətəliyeva dəniz kənarında çəkilən klipdə 3 fərqli obrazda görünüb. Ekran işi yaxın günlərdə təqdim olunacaq.

 

Əhəd Miriyev

 

Muz-Tv.az