Ulduzlar libas yarışına girdilər
Los-Ancelesdə "MTV Video Music Awards" keçirilib. Axşam.az-ın xarici KİV-ə istinadən məlumatına görə, qırmızı xalça üzərində ulduzlar yenə də bir-birləri ilə libas yarışına giriblər.
Los-Ancelesdə "MTV Video Music Awards" keçirilib. Axşam.az-ın xarici KİV-ə istinadən məlumatına görə, qırmızı xalça üzərində ulduzlar yenə də bir-birləri ilə libas yarışına giriblər. Günün ən yaxşı geyinənləri arasında Kara Delevin, Vanessa Hyucens, Teylor Svift, Selena Qomes, Rita Ora, Cici Hadid, Demi Lovato, Lili Oldric, Krissi Teyqen, Britni Spirs və başqaları var.
Aktrisa Beren Saatın "Kösem Sultan" serialının çəkilişləri ərəfəsində hamilə olması xəbəri gündəmdən düşmür. Son illərin ən iddialı serialının baş rol ifaçısı dünən həyat yoldaşı Kənan Doğulu ilə Los-Ancelesdən döndükdən sonra Bodruma getmişdi. Milas hava limanında obyektivlərə düşən aktrisa kökəlməsi və qarın nahiyəsindəki şişkinliyi ilə diqqət çəkib. Bundan əvvəl süni mayalanma yolu ilə hamilə qalması iddialarına cavab verərkən aktrisa "belə balaca vücudda hamiləliyi gizlətmək olmaz" demişdi.
Aktrisa Serenay Sarıkaya və aktyor Kərəm Bürsin yenidən bir yerdə görünüblər. Reklam siması olduqları firmanın heyəti ilə keçirilən doğum günü üçün bir araya gələn sevgililər yenidən eyni layihədə ola bilmə ehtimalını artırıblar. Fanatlar Serenay və Kərəmin yeni film və ya reklamda görünə biləcəyini düşünürlər.
Yenicə evlənən müğənni Murad Dalkılıçla aktrisa həyat yoldaşı Mərvə Boluğur Bodrumda bal ayına çıxıblar. Sezen Aksunun konsertinə yollanan cütlüyün gərgin olduqları nəzərdən yayınmayıb. Kameralardan qaçmağa çalışan Muradla Mərvə sevənlərinin böyük diqqəti ilə qarşılaşıblar. Paparassiləri görən Dalkılıç əsəblərini cilovlaya bilməyərək “Niyə çəkirsiniz? Adamaları narahat edirsiniz”, - deyə hirslənib.
Əhəd Miriyev
Muz-Tv.az