Aygün Kazımova : “Gənclərə dəstək olmaq lazımdır”

Xalq artisti Aygün Kazımova gənc ifaçılardan danışıb. Axşam.az-ın məlumatına görə, sənətçi açıqlamasında gənc ifaçılara dəstək olduğunu bildirib...

   Xalq artisti Aygün Kazımova gənc ifaçılardan danışıb. Axşam.az-ın məlumatına görə, sənətçi açıqlamasında gənc ifaçılara dəstək olduğunu bildirib: Bizim sənətdə çox müğənni var, amma onlar arasında istedadlısı çox azdır. Sənətdə qalmaq çox çətindir. Ona görə də, gənclərə dəstək olmaq lazımdır".

   Müğənni Nadir Qafarzadə xalq artisti İlhamə Quliyevanın ünvanına təriflər yağdırıb. İfaçı açıqlamasında İ.Quliyevanı cizgi-film qəhrəmanına bənzədib: “İlhamə Quliyevanın sözü mənə qanundur. Bütün sənət adamları ona hörmət etməlidir. Ağbirçək kimi onu dinləməlidirlər. Baxmayaraq ki, cavandır, amma illərin sənətkarıdır. Bir cizgi-filmi var, şahzadə çomağını yerə vurur ki, mən varam və taxt-tacımı heç kimə verməyi düşünmürəm. İlhamə xanım da bu taxt-tacından çəkilməsin. Bu tac ona çox yaraşır”.

   Ana olmağa hazırlaşan müğənni İradə İbrahimova qızı İpəklə fotolarını paylaşıb. Müğənni günü-gündən kökəldiyini qeyd edib:“Hər gün fərqli oluram. Güzgüyə baxanda özümü tanıya bilmirəm. Yaxında şar olub uçacam”.

   Keçmiş “Dəyirman” qrupunun üzvü, repçi Elmir yeni klipini təqdim edib. “Ürəyini buz kimi saxla” adlı mahnı ifaçının rəsmi “Youtube” kanalında yerləşdirilib. Sənətçi mahnını Əhməd Mustafayev adlı ifaçı ilə duet şəklində səsləndirib.Yeni işindən danışan Elmir “Azərbaycanın ilk “Rooftop live” videosudur. 11 ildən sonra yenidən bu mahnıya üz tutudum” deyə, bildirib.

 

Əhəd Miriyev

 

Muz-Tv.az