Sevda Ələkbərzadə səfirlə bir araya gəldi

Əməkdar artist Sevda Ələkbərzadə Türkiyənin Azərbaycandakı səfiri İsmail Alper Coşkunla bir araya gəlib. 

    Əməkdar artist Sevda Ələkbərzadə Türkiyənin Azərbaycandakı səfiri İsmail Alper Coşkunla bir araya gəlib. Axşam.az-ın məlumatına görə, müğənni səfirlikdə keçirilən və Türkiyənin Zəfər bayramına həsr olunan tədbirə qatılıb. O, fotolarını sosial şəbəkədə paylaşaraq “Cənab səfir və Əfruzə xanım” sözlərini yazıb.

    Əməkdar artist Elza Seyidcahan sosial şəbəkədə gəlini Xəyalə və oğlu Əkbərlə fotosunu paylaşıb. Müğənni şəklə “Mənim əziz, ağıllı balalarım” sözlərini yazıb.

    Müğənni Nadir Qafarzadə həmkarlarını qınayıb. Sənətçi açıqlamasında övladının toyunda heç bir ifaçını oxumağa qoymayacağını bildirib: “Hansısa həmkarımızın toyu olursa, hamı gedib oxuyur. Birincisi toyda fonoqram yox, canlı oxuyarlar. Bizimkilər diski taxıb, çıxırlar səhnəyə. Toyda bir insan oxumalıdır. Qonaq kimi gedib, oynayıb, əylənmək daha yaxşıdır. Mən övladımın toyunda yalnız bir müğənninin oxumasına icazə verəcəm. Fikrimdə Elton Hüseynəliyev var. Məclisi o idarə edəcək”.

    Dəfələrlə toyunu təxirə salan Namiq Qaraçuxurlu, nəhayət, əlamətdar günün baş tutacağını açıqladı. İfaçı açıqlamasında bunları bildirib: "Artıq məkan və toyun vaxtı məlumdur. Dəvətnamələr də hazırdı. Toy mediaya qapalı keçiriləcək. Kişilərdən ibarət məclis olacaq. Hətta gələn qonaqların telefonla içəri daxil olmalarına icazə verilməyəcək. Əgər toyu qapalı edirəmsə, deməli, xəbərin yayılmasını istəmirəm".

 

Əhəd Miriyev

 

MuzTv.az