Gülyanaq Məmmədova: “Paxıllıq etməyin”

Xalq artisti Gülyanaq Məmmədova həmkarlarına səslənib. Axşam.az-ın məlumatına görə, sənətçi açıqlamasında hər kəsi mehriban olmağa...

   Xalq artisti Gülyanaq Məmmədova həmkarlarına səslənib. Axşam.az-ın məlumatına görə, sənətçi açıqlamasında hər kəsi mehriban olmağa səsləyib: “Bir-birimizə dəstək olmalı, uğruna sevinməliyik. Hər şeydə gözəllik axtarmalıyıq. Hər şeyi qalmaqala çevirməyək. Allah hər kəsə bir cür səs, istedad verib. Paxıllıq etməyin. Hamının sevəni var. Qəlb gözəl olmalıdır ki, bu da üzə vursun. Mən bizi sevməyənlərə də uğur arzulayıram. Qalmaqalla qabağa gedən yaddaşlarda qala bilməz. İnsanlar ancaq sənəti xatırlayacaq".

   Müğənni Röya Ayxan “Sən yox” adlı yeni mahnısını təqdim edib. Bəstənin musiqisi Hakan Erola, sözləri isə Leyli İsrafilovaya məxsusdur. Qeyd edək ki, Röya mahnını ilk dəfə avqustun 24-də “Yaşıl Teatr”dakı solo konsertində oxumuşdu.

    Müğənni Ramal İsrafilov sosial şəbəkədə yeni doğulan qızının görüntülərini paylaşıb. Sənətçi qızına Liya adını qoyub. Xatırladaq ki, R.İsrafilovun övladı fevralın 16-da olub. O, ötən il aprelin 14-də xalası qızı Sevda ilə ailə qurub.

   Türkiyəli müğənni Rafet El Roman növbəti konserti üçün Bakıya gələcək. Bu barədə gecənin təşkilatçısı Nahid Emiloğlu xəbər verib.Sənətçi dostu ilə razılığa gələn təşkilatçı yaxın günlərdə konsertin məkanı və tarixi haqqında məlumat verəcək. O, İnstagram səhifəsində konsertin ilk müjdəsini verib: “Bu gözəl insan, gözəl sənətçi və ən əsası dostum Rafet El Roman yaxında sevənləri ilə möhtəşəm konsertdə görüşəcək, təbii ki Bakıda”.

 

Əhəd Miriyev

 

Muz-Tv.az