Hande Yenerlə Demet Akalın arasındakı qalmaqal bitmək bilmir

Müğənni Hande Yenerlə həmkarı Demet Akalın arasında qalmaqal artıq səhnəyə də ayaq açır. 

    Müğənni Hande Yenerlə həmkarı Demet Akalın arasında qalmaqal artıq səhnəyə də ayaq açır. Axşam.az-ın Türkiyə mediasına istinadən məlumatına görə, Hande sahibi olduğu "Sebastian Beach"də Demetin mahnılarının çalınmasını istəməmişdi. Bu günlərdə məlum olub ki, avqustun 29-da Demet Handeyə inad onun məkanının yanındakı çimərlikdə konsert verəcək. O, 90 min lirəyə (təxminən 32 min manat) razılaşıb. D.Akalın həmin gün konserti ilə H.Yenerin də məkanında səsinin eşidilməsinə nail olacaq. Eyni gündə Hande öz məkanında müğənni Sərdar Ortaçın həyat yoldaşı Kloenin di-ceyliyi ilə ifa olunan mahnılarla Demetin səsinin eşidilməməsinə çalışacaq.

    Pop ulduz Cennifer Lopez "El Mismo Sol" klipi üçün kamera qarşısına keçib. 46 yaşlı müğənni bədəninin formada olması ilə yenə də diqqət çəkib. Bruklində baş tutan çəkilişlərdə Cennifer "məhəllə gözəli" imicinə dönüb. Qeyd edək ki, o, musiqi karyerasında onu zirvəyə daşıyan "Jenny from the Block" klipində də eyni imicdə olub.

    Türkiyəli aktrisa Sinem Kobal və keçmiş sevgilisi, futbolçu Arda Turanın yolları yenə kəsişib. Məkanların birində qəhvə içən Kobal içəriyə Arda ilə yaxın dostu Gökhan Şükürün girdiyini görüb təəccüblənib. Aktrisa çantasını götürüb, tələsik məkandan çıxıb. Bir müddət sonra futbolçuların yanına Acun İlıcalı da gəlib. Qeyd edək ki, Sinəm 7 aydır aktyor Kənan İmirzalıoğlu ilə eşq yaşayır.

    Aktrisa Eva Mendes və Rayan Qoslinq 4 ildir ki, sevgilidir. İllərdir birlikdə olan cütlük hələ də, münasibətlərini rəsmiləşdirməyiblər. Qızı Esmereldanın doğulması da cütlüyü nikah masasına oturtmadı. Aktrisa mətbuata açıqlamasında deyib ki, "ər" və "arvad" sözləri onun üçün seksual səslənmir. Paparassilər son vaxtlar aktrisanın barmağında zümrüd qaşlı üzük görürlər. Lakin qərbdə qəbul olunduğu kimi üzüyü sol deyil, sağ əlində gəzdirir. İddialara görə, bu mətbuatın diqqətini yayındırmaq məqsədi güdür. Aktrisa bu hiylə ilə nişanlandığını gizlədir və gizli evlənmək arzusundadır.

 

Əhəd Miriyev

 

Muz-Tv.az