Elza Seyidcahan: “Millət vəkilliyinə namizədliyimi irəli sürəcəm”

Əməkdar artist Elza Seyidcahan maraqlı açıqlama verib. 

    Əməkdar artist Elza Seyidcahan maraqlı açıqlama verib. Axşam.az-ın məlumatına görə, müğənni bu il millət vəkilliyinə namizədliyini irəli sürəcəyini bildirib: “Hər zaman deyirdim, amma ciddi qəbul olunmurdu. Bu il millət vəkilliyinə namizədliyimi irəli sürəcəm. Seçəcəklərsə, xoşbəxt olacam. Seçilməsəm də, həyatıma davam edəcəm. Vaxt var idi ki, məni müzakirəyə qoyurdular. İndi özümə sübut etmək istəyirəm ki, görüm mən millət vəkilliyinə layiqəm, yoxsa yox”.

     Müğənni Xəyyam Nisanov İsrailə yollanıb. Sənətçi gəzintidən fotolarını sosial şəbəkədə paylaşaraq, təəssüratlarını bölüşüb: “Qüdsü (Yerusəlim) dünyanın şəhəri adlandırırlar. Üç dinin birləşdiyi şəhərdir. Buranı görmək yox, hiss etmək lazımdır. Bütün müqəddəs yerlərə getdim. Şükür ki, Allah mənə də bu müqəddəs yerləri görməyi qismət etdi”.

    "Eurovision 2011"qalibi Nigar Camal sosial şəbəkədə qızları ilə fotolarını paylaşıb. O, övladları Jasmin və Səidənin şəklinə “Qadının ən böyük vəzifəsi analıqdır. Allah övladlarımızı qorusun” sözlərini yazıb.

      Müğənni Könül Kərimova qaynana olmaq arzusu ilə yaşayır. Gecce.az-ın məlumatına görə, müğənni gəlininə mehriban olduğu qədər, lazım gələndə sərt üzünü göstərəcəyini də bildirib: "Mən əsl qaynanalardan olmaq arzusundayam.Cavabım sizə qəribə gəlməsin. Gözəl, mülayim və eyni zamanda tələbkar qaynana olmaq istəyirəm.Hər bir ana çəkdiyi əziyyətin bəhrəsini görmək arzusu ilə yaşayır. Buna ananın haqqı da var. Niyə də olmasın? Mən yeri gələndə gəlinimin çox da nazı ilə oynamayacam. Necə deyərlər, gəlin düşdüyü evdə gəlin olmalıdır. Ona bilmədiyi hər bir şeyi başa salacam. Təbii ki, qaynana kimi yox bir ana kimi" - deyə müğənni bildirib. Qeyd edək ki, müğənninin oğlu hazırda hərbi xidmətdədir.

 

Əhəd Miriyev

 

Muz-Tv.az