Tünzalə Ağayeva intihar edən gənc ifaçının mahnısını oxudu

Əməkdar artist Tünzalə Ağayeva “Sən tanımadığım doğmammısan” adlı yeni mahnısını təqdim edib. 

    Əməkdar artist Tünzalə Ağayeva “Sən tanımadığım doğmammısan” adlı yeni mahnısını təqdim edib. Axşam.az-ın məlumatına görə, bəstənin sözləri ötən il intihar edən gənc ifaçı Suraya məxsusdur. Mahnının musiqisi isə müğənninin özünə aiddir. T.Ağayeva yeni işini sosial şəbəkədə paylaşaraq, “Əzizlərim, buyurun. Nəhayət ki, yeni mahnımı sizə təqdim edirəm” sözlərini yazıb.

    Ötən gün əməkdar artist Elza Seyidcahanın qızı Gülşənin toyunda müğənni Nadir Qafarzadə ilə aparıcı-aktyor Sərxan Kərəmoğlu arasında qalmaqal yaşanıb. Məclisin aparıcısı səhnəyə N.Qafarzadəni dəvət edib. Səhnəyə qalxan ifaçı bəylə gəlini təbrik edərkən S.Kərəmoğlu onun sözünü yarımçıq kəsərək, “Nadir, oxu” deyib. Aktyorun bu sözləri isə N.Qafarzadənin xoşuna gəlməyib. O, S.Kərəmoğluna “Çaşma, mənə heç kəs əmr edə bilməz” deyərək, cavab verib. İfasını bitirdikdən sonra müğənni məkanı tərk edib.

    Müğənni Elnarə Xəlilova yeni saç düzümü ilə diqqət çəkib. Sənətçi son vaxtlar başına tac qoyur. O, buna görə onu qınayanlara da cavab verib: “Tacı ancaq gəlinlik libasına yaraşdıran cahillər... Arada bir az kitab oxuyun, internetdən məlumat toplayın. İmkan olanda burnunuzdan o tərəfi də görün. Bundan sonra ara-sıra məni tac aksesuarımla toylarda, ad günlərində, xınalarda, səhnələrdə, “Şəhzadə” obrazında hələ çox görəcəksiniz”.

    Müğənni Samira Allahverdinin ad günüdür. İfaçı özəl gününü Türkiyədə qeyd edir. Müğənni açıqlamasında 38 yaşı tamam olduğunu bildirib: “Hər dəfə dostlarımın təbriki məni kövrəldir. Bu il də ağladım. İnsanın özəl günündə hər kəs axtarır, xoş sözlər söyləyir. Mən də öz hisslərimi “Facebook" səhifəmdə yazdım. Əslində mən yaşımın artmasını düşünmürəm. Sadəcə, fikirləşirəm ki, bu 38 ili necə yaşadım? Nələr etdim, nə kimi savab işlər gördüm, kiminsə qəlbini qırdımmı... Həmişə çalışdım ki, heç kimi incitməyim. Hər şeyi olduğu kimi qəbul edib, insanları Allahın ixtiyarına buraxıram. Mənim xoşbəxtliyim ailəmdir. Hazırda Türkiyədəyəm. Elə ad günümü də doğmalarımın əhatəsində, ailəmlə birlikdə qeyd edəcəm”.

 

Əhəd Miriyev

 

MuzTv.az