Aygün Kazımova “Mən paxıl insanam”

Xalq artisti Aygün Kazımova bu yaxınlarda baş tutan "Ayrılarmı könül candan" adlı solo konserti ilə bağlı təəssüratlarını bölüşüb.

    Xalq artisti Aygün Kazımova bu yaxınlarda baş tutan "Ayrılarmı könül candan" adlı solo konserti ilə bağlı təəssüratlarını bölüşüb. Axşam.az-ın məlumatına görə, müğənni açıqlamasında bundan sonra fərqli konsert verəcəyini bildirib: “Həmişə konsertdən sonra gözəl hisslər yaşayıram, elə bil yenidən doğuluram. Bundan sonra çox fərqli formatda konsert istəyirəm. Amma necə olacağını deməyəcəm. Mən paxıl insanam”.

    Bu gün əməkdar artist Elza Seyidcahanın qızı Gülşənin toyudur. Şəhər restoranlarından birində baş tutacaq mərasimdə sənət aləminin tanınmış simaları iştirak edəcək. E.Seyidcahan qızı üçün qeyri-adi bir məclis təşkil etdiyini bildirib: “Bu toyun analoqu yoxdur. Hamı bu məclisdən danışacaq. Bu mənim növbətim layihəmdir”.

    Müğənni Elvin Abdullayev şou-biznesi idarə edənlərdən danışıb. İfaçı açıqlamasında sənət aləmində hər şeyin xalq artisti İlhamə Quliyevanın əlində olduğunu deyib: “Şou-biznesi qaymaqlar idarə edir. Onun başında isə İlhamə Quliyeva dayanır. Aygün Kazımova, Zülfiyyə Xanbabayeva, Faiq Ağayev və Röya da idarə edənlər arasındadır. Kimsə çaşanda isə İlhamə xanım ona çəki-düzən verir. Hərənin öz qruplaşması var. Kiminsə irəliləməsi onlardan asılı deyil. Sadəcə, kimi hara yönləndirmək onların əlindədir. Mən İlhamə Quliyevanın qruplaşmasında olmaq istəyərəm”.

    Ukraynada keçirilən “Ukraynanın səsi” müsabiqəsində iştirak edən azərbaycanlı ifaçı Vaqif Nağıyevin toyu olub. Mərasim Ukraynada baş tutub. V.Nağıyev Elmira adlı xanımla nikah masasına oturub. Toyda müğənni Çingiz Mustafayev və dicey Çingiz Mustafayev iştirak edib.

 

Əhəd Miriyev

 

MuzTv.az