Britni Spirs “Su pərisi” oldu

Müğənni Britni Spirs gününün çoxunu övladları ilə keçirərək onlarla əylənir. 

   Müğənni Britni Spirs gününün çoxunu övladları ilə keçirərək onlarla əylənir. Axşam.az-ın xarici KİV-ə istinadən məlumatına görə, 9 yaşlı Preston və 8 yaşlı Ceydenlə tez-tez fotolarını paylaşan Britni ənənəsinə sadiqdir. Son olaraq, o, hovuzda "su pərisi"nin mavi geyimində fotosunu izləyiciləri ilə bölüşərək yazıb: "Su pərisi həyatı...".

    Müğənni Ledi Qaqanın çəkildiyi "Amerikanın qorxu tarixi" ("American Horror Story") serialından ilk fotolar yayılıb. Serialın 5-ci mövsümündə yer alan pop-ulduz qırmızı libası ilə göz oxşayıb. Bundan başqa ifaçının ağladığı səhnənin çəkilişinin videosu da paylaşılıb.

    Aktrisa Lindsi Lohanın keçmiş sürücüsü onu məhkəməyə verib. Sürücü iddia edir ki, Lindsi ona külli miqdarda pul borcludur. 29 yaşlı Edson Riççi bir neçə il əvvəl Hollivud ulduzunun sürücüsü işləyib. İddiaya görə, Lindsi ona 28 min dollar pul verməlidir. Edson deyir ki, o, bir neçə dəfə aktrisanın uçuş biletlərinin və qaldığı otellərin pulunu ödəyib. Qeyd edək ki, bu, Lohanın ilk belə qalmaqalı deyil. O, daha əvvəl də restoranda hesabı ödəmədiyinə görə məhkəməlik olmuşdu.

    Aktyor Burak Özçivitin ailəsində xoş hadisə baş verib. "Kara Sevda" serialının çəkilişlərində olan aktyorun bacısı Burçun ana olub. Ona görə tez-tez bacısına baş çəkən Burak onun körpə qızı Açelya ilə footosunu paylaşıb.

 

Əhəd Miriyev

 

MuzTv.az