Bu gün xalq artisti Aygün Kazımovanın "Ayrılarmı könül candan" adlı solo konserti baş tutacaq.
Bu gün xalq artisti Aygün Kazımovanın "Ayrılarmı könül candan" adlı solo konserti baş tutacaq.
Bu gün xalq artisti Aygün Kazımovanın "Ayrılarmı könül candan" adlı solo konserti baş tutacaq. Axşam.az-ın məlumatına görə, istirahət mərkəzlərinin birində keçiriləcək gecənin təşkilatçısı Nahid Emiloğludur. Sevənlərinə maraqlı konsert vəd edən A.Kazımova əsl şou hazırladığını bildirib. Müğənni məşqləri Türkiyədə aparıb. Səhnədə onu yerli və əcnəbi rəqs qrupları müşayiət edəcək. İfaçı pərəstişkarları üçün sevilən və yeni mahnılarını səsləndirəcək. Saat 21:00-da başlayacaq konsert “Bakı 2015”in qaliblərinə dəstək məqsədiylə keçirilir.
Əməkdar artist Aybəniz Haşımova ad günü münasibətilə özünü təbrik edib. Müğənni sosial şəbəkədə qızı Aynişanla bağlı təəssüratlarını da bölüşüb: “Bu gecə qismət olsa anamın məni dünyaya gətirdiyi günə qədəm qoyacam. Amma mən hesab edirəm ki, əsl doğum günüm qızım Aynişanın ömrümə gəldiyi gündür. Sən mənim qəlbimin hər nöqtəsində vuran ürəyimsən. Sən nə qədər xoşbəxt olursansa, mənim ömrüm o qədərdir. Mənim təmənnasız sevgim, dünyam, varlığım, oğlum, qızım, aldığım nəfəsim, sabahım. Dünyada ən böyük səadət ana olmaqmış. Onu mənə sən bağışladın. Ürəyimi istəsən məndən, deyərəm, yar apar halalın olsun. Anamın bizə bəxş etdiyi doğum günümüz mübarək olsun”. Qeyd edək ki, A.Haşımovanın ad günü avqustun 22-dədir.
Müğənni Röya Ayxan solo konsertindən danışıb. İfaçı açıqlamasında heç bir həmkarına dəvətnamə vermədiyini bildirib: “Kiməsə dəvətnamə vermək fikrim yoxdur. Dostlarıma deyirəm ki, mərifətiniz-qanacağınız olsun, gedin dəvətnamə alın. Toyda da pulsuz oxutdurursunuz, konsertə də müftə gəlmək istəyirsiniz. Biz də yemək istəyirik axı. Barmağını verirsən, dirsəyini dişləyilər. Ona görə də dəvət olmayacaq”.
Müğənni Ayan Babakişiyeva geyimlərindən danışıb. İfaçı açıqlamasında hər zaman sadə geyimlərə üstünlük verdiyini bildirib: “Mənim üçün dəb aktual olanı geyinmək deyil. “Bu paltar aktualdır, mən onu mütləq əynimdə daşımalıyam” fikrinə yaxşı baxmıram. Mənə nə yaraşırsa, onu geyinirəm. Efirdə çox kök görünürəm. Ona görə də çalışıram sadə geyinim. Bu özü də bir zövqlülükdür. Düşünürəm ki, arıq xanımlara hər şey yaraşır. Bir də efirə gedəndə studiyanın dizaynını nəzərə alıram. Əgər studiya rəngarəngdirsə, sadə geyinirəm. Zövqü sonradan təkmilləşdirmək olar. Mən moda verilişlərinə, jurnallarına, telekanallarına baxıb, nələrsə götürürəm".
Əhəd Miriyev
MuzTv.az