Brilliant Dadaşova yeni mahnısını təqdim edib

Xalq artisti Brilliant Dadaşova "De ki..." adlı yeni mahnısını təqdim edib. 

   Xalq artisti Brilliant Dadaşova "De ki..." adlı yeni mahnısını təqdim edib. Axşam.az-ın məlumatına görə, uzun müddətdir Türkiyədə albomu üzərində çalışan müğənninin yeni mahnısının musiqisi Aygün Səmədzadəyə, sözləri Xanım İsmayılqızıya aiddir. Bu bəstəni A.Səmədzadə 21 il öncə yazıb, müğənniyə təqdim edib. Sözügedən musiqi onun ilk bəstəsi olub.
   Müğənni Sevda Yahyayeva yeni mahnısını dinləyicilərin ixtiyarına verib. “Dedilər ki” adlanan mahnının sözləri Arzu Yahyayevaya, musiqisi Ramal İsrafilova məxsusdur.
   Müğənni-bəstəkar Rəhim Rəhimli "Yandım" adlı yeni mahnısına klip çəkdirmək istəyir. Sənətçi ekran işi bağlı bunları bildirib: “Etiraf edim ki, ekran işində çox rəqqas iştirak etməlidir. Amma tapa bilmirəm. O sahədə sıxıntımız var. Rəqs qruplarından şikayətçiyəm. Nə doğru-düzgün model agentlikləri, nə də rəqqaslar var. Baxırsan səhnədə rəqqasın biri sağa gedir, başqası sola. Əsəbiləşirəm. Modellik və rəqqaslıq bizdə şikəst sahədir. Klip üçün qəşəng qız-oğlan model də tapmırsan. Sosial şəbəkədə də elan yazmaq istəyirik ki, rəqs etməyi bacaranlar bizə yazsın".
   Prodüser Tarix Əliyevin (Tolik) rəsmi internet səhifəsi açılıb. Prodüser bundan sonra bütün yeniliklərinin www.aliyevtarix.com səhifəsində yer alacağını bildirib:“Bu da prodüserlər arasında bir ilkdir. Məndən sonra edə bilərlər. Bundan sonra bütün yeniliklərimi burada yerləşdirəcəm”.

 

Əhəd Miriyev

 

Muz-Tv.az