Aygün Kazımova: “Günel deyəndə ağlıma …»

Xalq artisti Aygün Kazımova müğənni Azəri Günel Zeynalova ilə barışmalarından da bəhs edib. 

    Xalq artisti Aygün Kazımova müğənni Azəri Günel Zeynalova ilə barışmalarından da bəhs edib. Axşam.az-ın məlumatına görə, sənətçi açıqlamasında bunlari bildirib: “Günellə Türkiyədə mənim ən sevimli mağazamda görüşdük, şəkil çəkdirdik. Vətəndə heç görüşüb, bir araya gəlməmişik. Arada söz çatdıranlar var. Küsməkdə onların da təsiri olur. Mən Seda Sayanın verilişində səhnə arxasında Günellə görüşəndə də danışmışdıq. Günel deyəndə ağlıma doğma və ölkəmizi Türkiyədə layiqincə təmsil edən biri canlanır”. Qeyd edək ki, G.Zeynalova A.Kazımovanın “Şəklimi çək” mahnısını icazəsiz ifa etmişdi. İfaçılar arasında küsülülk bunda sonra başlamışdı.

    Müğənni Röya Ayxan imicində dəyişiklik edib. Sənətçi sarı saçlarını tünd rəngə boyatdırıb. Yeni görünüşdə fotolarını sosial şəbəkədə paylaşan Röya “Konsertə hazırıq?” sözlərini yazıb. Qeyd edək ki, R.Ayxan avqustun 21-də və 22-də “Yaşıl Teatr”da konsert verəcək.

    “Eurovision 2011” qalibi Nigar Camal pul yığa bilməməkdən şikayətlənib. İfaçı açıqlamasında bunları bildirib: “Pul yığmaq çətindir. Onu xərcləmək daha asandır. Məndə pul toplamaq alınmır. Həmişə pul xərcləməyə yer tapıram. Sadə həyatı sevirəm. Özümün və övladlarımın xoşbəxt olmasını istəyirəm. Ailəm üçün yaşayıram. Kiməsə acıq verim, mən daha gözələm, çantam səninkindən bahadır hallar mənlik deyil. Brendi, göstərişi sevənlər kompleksli insanlardır”.  

    Müğənni Elçin Cəfərov “Əziz atam” adlı yeni mahnısının təqdim edib. Bəstənin musiqisi ifaçının özünə və Tərlan Məmmədhüseynova aiddir.

 

Əhəd Miriyev

 

MuzTv.az