Bred Pitt 109 nəfərə yeni ev bağışladı

Hollivud ulduzu Bred Pitt "Katrina" qasırğasında ev-eşiklərini itirmiş insanlardan 109 nəfərə yeni ev bağışlayıb. 

   Hollivud ulduzu Bred Pitt "Katrina" qasırğasında ev-eşiklərini itirmiş insanlardan 109 nəfərə yeni ev bağışlayıb. Milli.Az xarici mətbuata istinadən bildirir ki, Yeni Orleanda qasırğadan ən çox ziyan çəkən məkan 9-cu Uord səmti olub. Bred Pitt və onun xanımı, aktrisa Ancelina Colinin yaratdıqları "Make It Right" xeyriyyə fondu həmin məkanın sakinləri, evsiz-eşiksiz qalan 109 nəfər üçün evlər tikdirib. İkimərtəbəli evlərin hamısı mebel, məişət elektrik avadanlığı ilə təmin olunub. Evlərin inşası və təminatı ilə bağlı bütün xərcləri Bred Pitt ödəyib. Evlərin hamısında 5 yataq otağı var.

   10 illik evlilikdən sonra dayəyə görə boşanan məşhur cütlük Ben Afflek və Cennifer Qarner bir araya gəliblər. Axşam.az-ın xarici KİV-ə istinadən məlumatına görə, buna səbəb Afflekin 43-cü doğum günü olub. Cennifer atalarının ad günündə iştirak etsinlər deyə 3 uşağını da götürərək Orlando şəhərinə, Benin yanına gəlib. Ad günündə aktyorun anası Kristina da iştirak edib Ailəyə yaxın mənbənin sözlərinə görə, onlar başa düşürlər ki, özlərindən başqa uşaqlarını da düşünməlidilər. Ona görə də, uşaqların xatirinə iki mədəni insan kimi davranırlar.

    56 yaşlı pop ulduz Madonna keçmişi yada salıb. Müğənni sosial şəbəkədə keçmiş ilk həyat yoldaşı, Hollivud ulduzu Şonn Pennlə çəkdirdiyi fotosunu paylaşıb. Şəkildə Şonn Madonnanı yanağından öpür. Madonna fotoya “Bu, demək olar ki, bizim ad günümüzdə çəkilib. İki şir. Şəkil Qerb Ritse – daha bir şir tərəfindən lentə alınıb” sözlərini yazıb. Qeyd edək ki, pop ulduzla Şonn Penn 1985-ci il avqustun 16-da – Madonnanın ad günündə evləniblər. Onlar 1989-cu ildə boşanıblar.

    Murat Dalkılıç Harbiyə Açıq havada musiqi kariyerasının ilk konsertini verib. Gecce.az Türkiyə mətbuatına istinad xəbər verir ki, məkana motosikletlə gələn Murad səhnəyə süni dumanlar içində daxil olub. Müğənni konsertdə əfsanəvi sənətkar Kayahanı anaraq, onun dillərdən düşməyən mahnılarını da səsləndirib. Evliliyə hazırlaşan müğənni sevgilisi Merve Boluğura sürpriz edib. O, gələcək həyat yoldaşına özəl olaraq bəstələdiyi mahnını ilk dəfə səsləndirib. Boluğur sevgilisinin bu jestinə göz yaşlarını saxlaya bilməyib.

 

Əhəd Miriyev

 

MuzTv.az