Nadir Qafarzadə İbrahim Tatlısəsin mahnısını oxudu
Müğənni Nadir Qafarzadə türkiyəli ifaçı İbrahim Tatlısəsin "Sarışınım" mahnısını oxuyub.
Müğənni Nadir Qafarzadə türkiyəli ifaçı İbrahim Tatlısəsin "Sarışınım" mahnısını oxuyub. Axşam.az-ın məlumatına görə, ifaçı açıqlamasında yay istirahətindən də bəhs edib: "Verilişlərin birində münsif olduğuma görə, uzun müddətli istirahətə yollanmaq imkanım yoxdur. Hazırda ailəmlə ölkə daxilində dincəlirəm. Yenə də bütün diqqətim yaradıcılıq işlərimdədir. Bir müddət öncə “Haydı söylə” adlı türk mahnısını 6-8 ritmdə ifa etdim. Həmin mahnı maraqla qarşılandı. İndi də İbrahim Tatlısəsin repertuarından “Sarışınım” mahnısını 6-8 ritmdə ilk dəfə mən oxudum. Düşünürəm ki, fərqli alınıb. Aranjiman işləri bu gün yekunlaşıb”.
"Eurovision 2011” qalibi Nigar Camal imicində dəyişiklik edib. Müğənni saçlarını dəyişərək, onları kül rənginə boyatdırıb. N.Camal yeni fotolarını İnstaqram səhifəsində paylaşıb.
Müğənni Günay İbrahimli həyatı ilə bağlı maraqlı etiraflar verib. Sənətçi açıqlamasında pis günlərini xatırlayıb: “Gələcəyə baxıram, amma keçmişlə yaşayan insanam. Həyatımda olan heç nəyi unuda bilmərəm. Atamla anam çox əziyyət çəkib. Biz Bakıya məcburi köçkün olaraq gəlmişik. Atamla anamın bizim üçün nə qədər əziyyət çəkdiyini unutmaram. Bu qədər çalışıb, işləyirəm ki, valideynlərim indi istirahət etsinlər. Şəxsi həyatda olan bəzi nüansları və pislik edənləri unutmuram. Heç kimə pislik etmirəm. Sadəcə, məni üzən insanları özümdən uzaqlaşdırıram”.
Misirdə sənətçi dostları ilə istirahət edən müğənni Ayan Babakişiyeva dərisini qaraldıb. Gecce.az-ın məlumatına görə, sənətçi fotolarını İnstagram-da paylaşaraq, yetəri qədər qaraldığını bildirib.İfaçı həm də, onun fotolarına qərəzli icmarıclar yazanları da cavabsız qoymayıb: "Burada mənə bəzi mutantlar ağıl verirlər. Lazım deyil sizin ağlınız. Mən məni sevənlərimin sevgisi ilə Ayan oldum. Öz həyatınızı yaşayın. Mənim həyatım çox maraqlıdır mənim üçün. Övladım, anam, qardaşım və məni mən kimi qəbul edən dostlarım var".
Əhəd Miriyev
MuzTv.az