Xalq artisti Alim Qasımovun 58 yaşı tamam olur

Bu gün xalq artisti Alim Qasımovun 58 yaşı tamam olur. 1957-ci ildə Qobustan rayonunun Nabur kəndində anadan olan Alimin valideynləri onun 

    Bu gün xalq artisti Alim Qasımovun 58 yaşı tamam olur. 1957-ci ildə Qobustan rayonunun Nabur kəndində anadan olan Alimin valideynləri onun musiqiyə və xüsusilə muğama qarşı olan istedadını uşaqlıqdan biliblər. O, Bakıda muğam məktəbinin ən tanınmış və istedadlı müəllimlərindən dərs alıb. 25 yaşında Alim həyatında birinci muğam müsabiqəsində müvəffəqiyət qazanıb. 1993-cü ildə Azərbaycan Respublikasının Xalq Artisti adı ilə təltif olunan A.Qasımov 1999-cu ildə Beynəlxalq IMC UNESCO Musiqi Mükafatını alıb Qasımov ABŞ-ın Corctaun Universiteti və mərkəzi İordaniyada yerləşən Strateji Araşdırmalar Mərkəzinin keçirdiyi müsabiqədə "Dünyanın ən nüfuzlu 500 müsəlmanı" arasında 4 azərbaycanlıdan biri olub.

    Əməkdar artist Elza Seyidcahan qızı Gülşənin toy mərasiminə hazırlaşır. Axşam.az-ın məlumatına görə, müğənni avqustun 24-də baş tutacaq mərasimdə geyinəcəyi libasın şəklini paylaşıb. O, paltarı modelyer Leyla Əhmədovanın tikdiyini bildirib.

    Müğənni Rəhim Rəhimli həyatında sevgi olduğunu etiraf edib. O,verilişlərin birində “Həyatınızda eşq var” sualına belə cavab verib: “Eşq olmasa bu cür mahnılar yazmazdım. Eşq var, yaşayır və yaşayacaq da. O, heç vaxt mənim qəlbimdə ölməyəcək”

    Rusiyanın məşhur “Serebro” qrupu Bakının qonağı olub. Qrup üzvləri dənizkənarı istirahət mərkəzlərindən birində konsert verib. Fotolarını sosial şəbəkədə paylaşan qızlar Bakını çox sevdiklərini vurğulayıblar: “Bakıya heyranıq. Heç bir süni külək yoxdur. Bakı küləklər şəhəridir. Bəlkə də buna görə bu şəhər belə sevimlidir. Dəli oluram. Bizə azdır. Biz Bakıda daha çox vaxt keçirmək istəyirik. Bu, bizim oxumaq istədiyimiz mahnılar deyil. Daha çoxunu səsləndirməyi arzulayırıq. Çox sağ ol, Bakı. Sevgimizi necə ifadə edək, bilmirəm”.

 

Əhəd Miriyev

 

MuzTv.az