Məleykə Əsədova istirahətinə Parisdə davam edir

Xalq artisti Məleykə Əsədovanın ötən aydan xaricdə başlayan yay tətili Parisdə davam edir. 

    Xalq artisti Məleykə Əsədovanın ötən aydan xaricdə başlayan yay tətili Parisdə davam edir. Gecce.az-ın məlumatına görə, aktrisa qızı Gülərlə Eyfel qülləsinə qalxıb, daha sonra şəhəri dolaşıblar.

    Əməkdar artist İlqar Muradov rol aldığı "Bumeranq" filmi ilə bağlı açıqlama verib. Müğənni açıqlamasında ilk dəfə aktyorluq etdiyini bildirib: “Ekran işi Çingiz Abdullayevin əsəri əsasında çəkilib. Çəkilişlər başa çatıb, indi montaj işləi gedir. Aktyorluq çox çətin peşədir. Rejissor Yavər Rzayev mənə dəstək oldu. İşin öhdəsindən gələ bildim. Aktyorluğa görə musiqidən də uzaqlaşmışdım. Qorxurdum ki, musiqidə qazandığım reytinq aktyorluqda aşağı düşər. Amma deyirlər ki, pis alınmayıb”.

    Müğənni Elton Hüseynəliyev prodüser həyat yoldaşı Toma ilə ayrılmasıyla bağlı ilk dəfə açıqlama verib. İfaçı axşam.az-a açıqlamasında bunları bildirib: “Ayrılma haqda heç nə danışmaq istəmirəm. Hər bir ailənin içində sirr var. İki insana məxsusdur və açıqlanmamalıdır. Sadəcə deyim ki, xasiyyətimiz tutmadı. Alınmayanda, bir-birimizi incitməkdən, uzatmaqdansa, maraqlı qalıb, ayrılmaq məsləhətdir. Mən ona həyatında uğurlar arzulayıram. Toma xanım gözəl, istedadlı prodüserdir. Öz gücünü göstərəcək. Ona uğurlar arzulayıram. Bu mənim öz qərarım oldu, müraciət etdim ayrıldım. Rəsmi boşanma da olub”.

     Müğənni Xatirə İslam sosial şəbəkədə çimərlik fotosunu paylaşıb. Sənətçi şəklə sərt sözlər yazıb: “Özümə söz verdim ki, daha heç nəyə əsəbiləşməyəcəm. Üç insanın yas mərasiminə getdim, hamısı da infarkdan ölüb. Axı niyə mən bu qədər əsəb keçirdib, tez məhv olmalıyam? Görəsən, hamının inanıb, iş tapşırdığı insanlar onu belə aldadır? Başına oyun açır, yoxsa tək mənimkilərdir? Görəsən, mənim başıma bir iş gəlsə, o adamlar kimi aldadacaqlar? Heç olmasa məni qoruyub, axıra kimi aldadıb, pulumu yeyələr də”.

 

Əhəd Miriyev

 

MuzTv.az