Gülşən Kaliforniyada lentə aldırdığı klipini təqdim etdi

Müğənni Gülşən yeni albomuna daxil olan ikinci klipini təqdim edib. 

    Müğənni Gülşən yeni albomuna daxil olan ikinci klipini təqdim edib. Axşam.az-ın məlumatına görə, ifaçının “Dan dan” mahnısına çəkilmiş klipi Kaliforniyada lentə alınıb. Qırmızı libası ilə səs-küy yaradan Gülşənin tərəf müqabili norveçli model Helge olub. Klipin rejissoru Koray Biranddır. 

    Keçmiş futbolçu Devid Bekhem onu qızı Harperi düzgün tərbiyə etməməkdə günahlandıranlara cavab verib. Devid İnstaqram səhifəsində yazıb: “İnsanlar nə üçün düşünürlər ki, onlar valideynlərin tərbiyə üsulunu tənqid edə bilərlər. Uşağı olan hər bir valideyn bilir ki, övladı ağlayarsa, onu sakitləşdirməyin ən yaxşı yolu əmzikdir. Ana-atanı ittiham etməzdən əvvəl iki dəfə fikirləşin. Sizin buna ixtiyarınız çatmır”.  Qeyd edək ki, paparassilər Bekhemin 4 yaşlı qızı Harperi əmziklə görüntüləmiş və bu, uşağın düzgün tərbiyə olunmaması kimi dəyərləndirilmişdi. Ekspertlər hətta bunun uşaqda nitq qüsuruna yol açdığını bildirmişdilər.

    Tanınmış tennis ustası Serena Uilyams heç vaxt olmadığı imicdə fotokameralar qarşısına keçib. 33 yaşlı tennisçi “New York Magazine” stilistləri tərəfindən eleqant obraza salınıb. Qaradərili idmançı tünd geyimlərə üstünlük verib. Onunla birlikdə fotosessiyada iti Çip də iştirak edib. 

    Müğənni Sibel Can 7500 avroya vertolyot kirayələrək Bodruma gedib.O, övladları Ergincan və Melisa ilə qayıq gəzintisinə də çıxıb. Bodrumda konsert verən ifaçı səhnədə göbək və salsa rəqsi də oynayıb. S.Can "son 3 gündə 10 saat mahnı oxumuşam, hələ də yorğun deyiləm" deyib.

 

Əhəd Miriyev

 

MuzTv.az