Aygün Kazımova İstanbulda onunla qarşılaşdı

Xalq artisti Aygün Kazımova ilə Türkiyədə yaşayan müğənni Azəri Günel Zeynalova İstanbulda qarşılaşıb. 

    Xalq artisti Aygün Kazımova ilə Türkiyədə yaşayan müğənni Azəri Günel Zeynalova İstanbulda qarşılaşıb. Axşam.az-ın məlumatına görə, alış-veriş mərkəzində görüşən ifaçılar fotolar çəkdirib. G.Zeynalova şəkli İnstaqram səhifəsində paylaşaraq, “Bu gün kiminlə qarşılaşdıq? Aygün Kazımova ilə” sözlərini yazıb. Şəkildə G.Zeynalovanın bacısı da yer alıb.  Qeyd edək ki, A.Kazımova bir müddətdir İstanbuldadır. O, avqustun 21-də Bakıda "Mambo" istirahət mərkəzində baş tutacaq konsertinə hazırlaşır. 

    Əməkdar artist Tünzalə Ağayeva sosial şəbəkədə yeni fotolarını paylaşıb. Görünüşündə tez-tez dəyişiklik edən müğənni bu dəfə saçlarını uzatması ilə diqqət çəkib. İfaçı eyni zamanda qoluna və sinəsinə müvəqqəti tatu etdirib. Qeyd edək ki, T.Ağayeva açıqlamasında yeni mövsümdən uzun saçlarla görünəcəyini bildirmişdi. 

    Meyxanaçı Namiq Qaraçuxurlu uzun fasilədən sonra tədbirlərin birində fotokameralara tuş gəlib. Sənətçi açıqlamasında tezliklə xeyir iş olacağını etiraf edib: “Efirlərdən uzaq qalmağım həyatımda bir çox şeyləri dəyişdi. Şəxsi həyatıma vaxt ayıra bildim. Oktyabrda istirahətə getməyimin səbəblərindən biri də həyatımda baş verəcək hadisədir. Bu haqda danışmayacağıma söz vermişdim. Çünki hər dəfə deyirəm, amma alınmır. Yenə də sizə açıqlama verim ki, xeyir iş olacaq”.

    Müğənni Elvin Abdullayev “Adına şeir yazdım” adlı mahnıya çəkdirdiyi klipini təqdim edib. Batumidə lentə alınan ekran işinin rejissoru ifaçının həyat yoldaşı Afət Abdullayevadır. Bəstənin sözləri Telli Orucqızına, musiqisi isə ifaçının özünə aiddir. 

 

Əhəd Miriyev

 

MuzTv.az