Faiq Ağayev: “Aranjimançılar xaltura edir”

Xalq artisti Faiq Ağayev aranjimançılardan şikayət edib. Axşam.az-ın məlumatına görə,sənətçi açıqlamasında bunları bildirib: “Musiqimizdə janr böhranı var. 

   Xalq artisti Faiq Ağayev aranjimançılardan şikayət edib. Axşam.az-ın məlumatına görə,sənətçi açıqlamasında bunları bildirib: “Musiqimizdə janr böhranı var. Estrada unudulur. Mahnılarımızda fars, ərəb, türk boğazlarına rast gəlirik. Hansısa bəstəyə qulaq asanda, onu başqa birisinə oxşadırıq. 1980-ci, 1990-cı illərdə elə aranjimanlar edirdilər ki, heç bir musiqiyə bənzətmək olmurdu. İndi aranjimançılar “xaltura” edir”.    

    Xalq artisti Aygün Kazımova avqustun 21-də baş tutacaq konsertinin məşqlərinə başlayıb. Hazırda İstanbulda olan müğənni “Balet” rəqs qrupu ilə şou hazırlayır. O, sevənlərinə maraqlı gecə vəd edib. Konsert saat 21:00-da istirahət mərkəzlərinin birində baş tutacaq. Gecənin təşkilatçısı Nahid Emiloğludur. Qeyd edək ki, A.Kazımova konserti “Bakı 2015”in qaliblərinə dəstək məqsədiylə keçirdiyini bildirib.

    Müğənni İlhamə Qasımova “Eurovision 2011” qalibi Eldar Qasımovun “Canım” mahnısına çəkdirdiyi açıq-saçıq klipinə münasibət bildirib. Sənətçi açıqlamasında heç vaxt elə ekran işində rol almayacağını deyib: “Hansısa bir klipdə insanlar arasındakı münasibət, yaxınlıq göstərilirsə, buna pis baxmıram. Hər bir mahnının və ifaçının öz obrazı olmalıdır. Klip kiçik filmdir. Əgər mahnı bunu tələb edirsə, niyə də yox. Özüm heç vaxt belə klipə çəkilmərəm. Mənimlə Eldar arasında fərq var. Mən qadınam, o kişi. Kişiləri qınamırlar. Mənim də kliplərimdə açıq-saçıqlıq tələb olunub. Hətta bir dəfə çimərlik geyimində çəkilməyimi istədilər. Üç gün ağladım. Müqaviləm var idi, etiraza haqqım yoxuydu. Amma kök olduğumu biləndən sonra əl çəkdilər. Əgər xaricdə filmə çəkilsəm və belə səhnələr olsa, razılaşaram”.

    Müğənni Elvin Abdullayev Batumidə lentə aldırdığı yeni klipi ilə bağlı xəbər verib. İfaçı açıqlamasında “Adına şeir yazdım” adlı ekran işinin rejissorunun həyat yoldaşı Afət Abdullayeva olduğunu vurğulayıb: “Əslində Batumiyə dincəlməyə getmişdik. Qərar verdik ki, klip də çəkdirək. Orada bir studiya ilə danışdıq, uyğun qiymətə çəkiliş qrupu götürdük. Rejissorluğu Afət etdi. Klipdə rol alan cütlük isə həqiqətən də real həyatda evlidir. Oğlan mənim uşaqlıq dostumdur. İstirahətə birlikdə getmişdik”.

 

Əhəd Miriyev

 

MuzTv.az