Mətanət İsgəndərli iki klip çəkdirəcək

Əməkdar artist Mətanət İsgəndərli iki mahnısına klip çəkdirməyə hazırlaşır. 

   Əməkdar artist Mətanət İsgəndərli iki mahnısına klip çəkdirməyə hazırlaşır. “Qafqazinfo”nun məlumatına görə, türk klassikasının seçmələrindən olan “Dalğalar” mahnısı üçün klip çəkilişi Xəzərin sahilində baş tutacaq. Rejissor işi Ceyhun Kərimova həvalə edilib. Digər mahnının sözləri Bəxtiyar Vahabzadə, musiqisi Niyaməddin Musayevə məxsus olan “Nəğmələr dünyası”dır. Onun çəkilişi isə Azərbaycanın müxtəlif gözəl guşələrində nəzərdə tutulub.

   Dörd il əvvəl ailə quran azərbaycanlı model Günay Musayeva ilə aktyor Tolqa Karel rəsmi şəkildə boşanıblar. Bir müddətdir amerikalı model Saşa ilə münasibətdə olan Tolqa boşandıqdan sonra Türkiyəni tərk etmək qərarına gəlib. Oğlu Cihangir və keçmiş xanımı Günayın qardaş ölkədə yaşayacağını bildirən aktyor mənəvi cəhətdən çox yorulduğunu deyib.

    Müğənni Gülay Zeynallı solo konsertə hazırlaşır. İfaçı bu barədə açıqlamasında bildirib: “Hara gedirəm solo konsertlə bağlı sual verirlər. Məclislərdə insanlar yaxınlaşıb deyir ki, “Niyə konsert vermirsən?”. Mən konsertimi yüksək səviyyədə təşkil etmək istəyirəm. Buna da yüksək vəsait lazımdır. Yüz faiz tezliklə konsertim olacaq”.

    Müğənni Günay İbrahimli avtomobilinə bahalı nömrə alıb. Onun avtobilinin yeni dövlət qeydiyyat nişanı 90 ZB 099-dur. Bu bardə müğənni özü İnstagram profilində məlumat verib. Qeyd edək ki, G.İbrahimlinin yeni nömrəsinin dövlət rusumu 1500 manatdır.

 

Əhəd Miriyev

 

MuzTv.az