65 yaşlı Riçard Gir 32 yaşlı sevgilisi ilə tətil edir

65 yaşlı Hollivud ulduzu Riçard Girlə 32 yaşlı sevgilisi Aleksandra Silva İtaliyada tətil edir. 

    65 yaşlı Hollivud ulduzu Riçard Girlə 32 yaşlı sevgilisi Aleksandra Silva İtaliyada tətil edir. Axşam.az xarici mətbuata istinadən xəbər verir ki, cütlük Kapri adasında dincələrkən obyektivlərə tuş gəlib. Yaxtada günəş vannası qəbul edən sevgililər bir an olsun belə, bir-birlərindən ayrılmayıblar. Qeyd edək ki, Aleksandra ispan iş adamı İqnasio Silvanın qızıdır. Onun ilk evliliyindən Albert adlı bir oğlu var.

   "Möhtəşəm yüz il" serialı başa çatdıqdan sonra efirlərə ara verən aktyor Halit Ərgənç geri qayıdır. Aktyorun yeni serialının ssenarisi bəlli olub. "O3 production"ın çəkəcəyi ekran işində Ərgənç yaddaşını itirmiş və iki qadın arasında qalan bir adamı canlandıracaq. Bu günlərdə üç fərqli komanda bu mövzuda ssenari yazır. Serial oktyabrın sonundan etibarən Kanal D-də yayımlanacaq.

    Aparıcı Burcu Əsmərsoy “Marie Claire” jurnalına müsahibə verib. Aparıcı müsahibəsində aşiq olduğunu etiraf edib: “Bu günə qədər iki nəfərə aşiq olmuşam. Amma hazırda vəziyyət dəyişə bilər. “Həyatında kimsə var” deyə sual versən cavabım belə olar: hazırda ömrümün ən xoşbəxt çağını yaşayıram”.

    Dünyaca məşhur rusiyalı model İrina Şeyk bəyəndiyi futbolçuların adını açıqlayıb. Bir vaxtlar "Real"ın hücumçusu Kriştiano Ronaldo ilə eşq yaşayan Şeykin cavabı hər kəsi təəccübləndirib. O, Ronaldonun əzəli rəqibi, "Barselona"nın oyunçusu Lionel Messini dünyanın ən yaxşısı adlandırıb: "Futbol haqda o qədər də məlumatım yoxdur. Ancaq Messinin dünyanın ən yaxşı futbolçusu olduğunu bilirəm". Şeykin bu açıqlamasına onun keçmiş sevgilisi Ronaldonun necə münasibət göstərəcəyi maraq doğurub.

 

Əhəd Miriyev

 

MuzTv.az