Gülyanaq Məmmədova ailəsi ilə İstanbula yollanıb

Xalq artisti Gülyanaq Məmmədova ailəsi ilə İstanbula yollanıb. 

    Xalq artisti Gülyanaq Məmmədova ailəsi ilə İstanbula yollanıb. Axşam.az-ın məlumatına görə, müğənni həyat yoldaşı Ziya bəy və övladları ilə fotolarını sosial şəbəkədə paylaşıb. G.Məmmədova qayınanasının şəklinə “Gözəl qayınanamla İstanbulda. Gözəl gün” sözlərini yazıb. Qeyd edək ki, müğənninin bir qız, iki oğlan övladı var.

    Əməkdar artist Cavanşir Məmmədov internet tanışlığından bəhs edib. Müğənni açıqlamasında buna müsbət yanaşdığını bildirib: “İndi oğlan-qız tanışlığı üçün geniş imkanlar var. Əvvəl deyərdilər qız oğlanla telefonla danışmasın, görüşməsin. Mentalitet məsələləri var. İndi hər şey dəyişib. Gənclərin internetlə sevişmə imkanı var. Önəmli məsələdir. Nə qız, nə də oğlan bir şey itirir. Əksinə bir-birinə məlum olur ki, düşüncələr nədir, münasibət alınar, ya yox. İnternetin xoşagəlməyən tərəfləri var. Amma yaxşı yönlərini də danmayaq. Buradan yaxşı vasitələr üçün istifadə edilməlidir. Yoxsa bəziləri internetdən ailə dağıtmaq, kiməsə qara yaxmaq üçün istifadə edir”.

    “Eurovision 2011” qalibi Nigar Camal yay istirahətini Qusarda dincələrək keçirir. Müğənni fotolarını İnstaqram səhifəsində paylaşıb. O, şəkillərə “Çox sevdim bu yerləri. Həyat maraqlıdır. Qusarın hər yeri gözəldir. Biz də bir yerdə oturmuruq. Bumbuz dağlar, əsl ekstrimdir” sözlərini yazıb.

     Müğənni Ayan Babakişiyeva dostları ilə istirahətə gedir. İfaçı açıqlamasında bir neçə şəhəri gəzəcəyini bildirib: "Avqustun 7-də yola düşürük. Mənimlə birlikdə prodüser Tolik və bir neçə sənət dostum da gedir. Əvvəlcə Gürcüstana gedəcəyik. Daha sonra isə Misirə yollanacağıq. Deyirlər dostunu yolda tanı. Mən də yol yoldaşı olacağım dostlarımı tanımaq fürsəti qazanacam”.

 

Əhəd Miriyev

 

MuzTv.az