Məleykə Əsədova və qızı Madam Tüsso muzeyində

Xalq artisti Məleykə Əsədova qızı ilə yay istirahətinə yollanıb. Axşam.az-ın məlumatına görə, əvvəlcə Eqle sanatoriyasında dincələn aktrisa daha sonra Londona yollanıb. 

    Xalq artisti Məleykə Əsədova qızı ilə yay istirahətinə yollanıb. Axşam.az-ın məlumatına görə, əvvəlcə Eqle sanatoriyasında dincələn aktrisa daha sonra Londona yollanıb. Qızı Gülərlə Madam Tüsso muzeyini gəzən M.Əsədova “İstedadlarına vurğun olduğum Hollivud ulduzlarının mum heykəlini Madam Tüsso muzeyində izlədim” deyə, bildirib.

    Əməkdar artist Tünzalə Ağayeva sosial şəbəkədə yeni fotolarını paylaşıb. Müğənni qolundakı tatuajı ilə diqqət çəkib. Döyməni çox sevdiyini deyən T.Ağayeva onun xına ilə çəkilən müvəqqəti tatu olduğunu bildirib.

    Əməkdar artist Abbas Bağırov İtaliyaya gedib. İstirahət edən müğənni məşhur ulduz Andrea Boçellinin konsertinə yollanıb. Fotolarını sosial şəbəkədə paylaşan A.Bağırov təəssüratlarını bölüşüb:“Uzun illərdir bu müğənniyə pərəstiş edirəm. Dünyada çox sevilən səslərdən biri olan, klassik, estrada, opera musiqisinin nəhəngi Andrea Boçelli İtaliyanın ən gözəl şəhərlərindən olan Lajatiko da "Teatro de Selenzio"da konsert verdi. Onu seyr edib, super canlı mahnılar dinlədik. Bu günü çox gözləyirdim, əziyyətlə, çətinliklə də olsa, Ənvər Sadıqovla bərabər gəldik. Musiqi dolu gün yaşadıq. Allaha şükür ki, bu imkanı bizə yaratdı”.

    Toyda iştirak etmək üçün Gəncəyə gedən müğənni Rəqsanə toydan sonra oteldə çəkdirdiyi fotolarını sosial şəbəkədə paylaşıb. Qısa şortiklə çəkilən şəkillərini "İnstagram"da yerləşdirən sənətçi toydan sonrakı yorğunluğunu da qeyd edib.

 

Əhəd Miriyev

 

MuzTv.az