Hande Yenerin möhtəşəm konserti

Müğənni Hande Yener möhtəşəm konserti ilə yadda qalıb.

    Müğənni Hande Yener möhtəşəm konserti ilə yadda qalıb. Axşam.az Türkiyə mətbuatına istinadən xəbər verir ki, şouları üçün Ukraynadan qladiatorlar gətizdirən ifaçı 700 metrlik parçadan müxtəlif libaslar tikdirib.

Təxminən 2 ay davam edən hazırlıqlardan sonra Hande bir-birindən fərqli şouları ilə tamaşaçı qarşısına çıxıb. Müğənninin cəsarətli qara, qırmızı və ağ libasları xüsusilə bəyənilib. Bununla belə H.Yenerin bahalı parçadan tikilmiş libasının göbəyindəki qüsurları gizlədə bilməməsi də diqqətdən qaçmayıb. Hande konsertini ağ bəzəkli libası ilə bağlayıb.

   Müğənni Sibel Can İstanbulda konsert verib. İfaçı eyni zamanda ad gününü də qeyd edib. Yeni mahnılarını səsləndirən Sibel səhnəyə gətirilən tortu görüncə göz yaşlarını saxlaya bilməyib. S.Can ölənədək mahnı oxuyacağını bildirib: “Ad günlərimi adətən tək keçirməyi sevmirəm. Amma belə çoxluq olanda da sevindim. Ölənədək sizə mahnı oxumaq istəyirəm”.

    Dünyanın məşhur modeli Naomi Kempbell həbs olunub. 45 yaşlı model 2009-cu ildə keçmiş sevgilisi Vladimir Doroninlə Lipari adasında yaxtada dincələrkən şəkillərini çəkən fotoqrafa hücum etmişdi. Çantasını onun başına çırparaq, gözünü zədələyən Naomi 6 aylıq azadlıqdan məhrum edilib.

    Türkiyəli aktyor Çağatay Ulusoy "Delibal" adlı filmlə ekranlara geri qayıdır. Yeni ekran işinə görə, o, 7,5 kiloqram arıqlayıb, saçlarını uzadıb. Bunun üçün aktyor eyni zamanda musiqi dərsləri də alıb. "Ay Yapım"ın lentə aldığı ekran işinin çəkilişlərinə ötən ay İstanbulda başlanılıb. Filmdə Çağatayın tərəf müqabili Leyla Lidia Tuğutludur.

 

Əhəd Miriyev

 

MuzTv.az