Faiq Ağayev yeni mahnı hazırlayır

Xalq artisti Faiq Ağayev yay ayında yeni mahnı təqdim edəcək. 

     Xalq artisti Faiq Ağayev yay ayında yeni mahnı təqdim edəcək. Müğənni bu barədə publika.az-a açıqlamasında bildirib: "Bu yaxınlarda Fərid Kəriminin yeni bir mahnısını ifa edəcəyəm. Mahnının mövzusu provokativ, təhrikçidir. Mahnı artıq Türkiyədə aranjman olunub. Bundan sonra yalnız studiyaya gedib mahnının səsyazmasını etməyim qalıb. Yayın sonuna kimi dinləyicilərimə yeni mahnımı təqdim edəcəyəm".  

     Müğənni Nadir Qafarzadə gözündən əziyyət çəkir. Sənətçi açıqlamasında yaxın günlərdə ikinci dəfə əməliyyat olunacağını bildirib: “Gözümdə problemlər yaranıb, yaxını görmürəm. Bilmirəm bu telefonla bağlıdır, yoxsa nəylə. Telefona çox baxıram, şüadır. Gözümdə sulanma olur. Müayinə olundum, əməliyyat edildi. Dedilər eynək taxmalısan, məsləhətə qulaq asmadım. İndi əziyyət çəkirəm. İkinci dəfə əməliyyat olunmalıyam. Gözlərimi itirməkdən qorxuram”.

    Rəqqasə Oksana Rəsulova yeni fotosessiya etdirib. Sənətçi yeni şəkillərini “Bella Mafia” adı altında həyata keçirib. Fotolarda Oksana “ledi qanqster” obrazını canlandırıb. Yeni layihəsindən danışan sənətçi fərqli iş ərsəyə gətirdiyini iddia edib: “Bu fotosessiyada mən tamam dəyişmişəm. Fərqli Oksana Rəsulova görəcəksiniz. Bu obraz mənim tam əksimdim”.

    Müğənni Xəyyam Nisanov yay istirahətinə yollanıb. Sənətçi əvvəlcə Almaniyaya, daha sonra isə Fransaya gedib. X.Nisanov Frankfurtdan və Kanndan şəkillərini paylaşaraq “istirahətim başladı” sözlərini yazıb.

 

Əhəd Miriyev

 

Muz-Tv.az