Sevil və Sevinc konsert verdilər

Səhnəmizin əkiz bacıları Sevil və Sevinc istirahət mərkəzlərinin birində “Dostum” adlı solo konsert veriblər. 

    Səhnəmizin əkiz bacıları Sevil və Sevinc istirahət mərkəzlərinin birində “Dostum” adlı solo konsert veriblər. Konsert öncəsi kameramız qarşısına keçən bacılar çox həyəcanlı olduqlarını söyləyiblər. Əkizlər niyə Yaşıl Teatr  və yaxud da Heydər Əliyev Sarayında yox, istirahət mərkəzində səhnə almaqlarına da açıqlama gətiriblər: “Həyatımda ilk dəfədir belə bir həyəcan keçirirəm. Çox məsuliyyətlidir. Fikirləşirik ki, Yaşıl Teatrda konsert vermək çətindir. Amma düşünəndə o qədər də çətin deyil. Çünki açıq qapı elan edirsən, konsertin olur anşlaq. Amma bügünkü konsertimizdə hər şey göz önündədir. Restoranda keçirdiyimiz üçün sırf ailələrdir”.

    Sevil və Sevincdən öncə səhnədə həmkarları öz sevilən mahnılarını ifa etdiblər. Və nəhayət, böyük ekranda əkizlərin sənətə gəlmələri ilə bağlı hazırlanan  videoçarx təqdim olunub, ardınca Sevil və Sevinc öz sevənlərinin qarşısına çıxıb mahnılarını səsləndiriblər.

 

Sevda Məmmədova

Ramal Gülməmmədov

 

Muz-Tv.az