İkinci dəfə nənə olan xalq artisti ağladı

Xalq artisti Mələkxanım Əyyubova ikinci dəfə nənə olub. O, oğlu Cəfərin qız övladının dünyaya gəldiyini bildirib. 

   Xalq artisti Mələkxanım Əyyubova ikinci dəfə nənə olub. O, oğlu Cəfərin qız övladının dünyaya gəldiyini bildirib. Xəstəxanada olarkən kameralara tuş gələn M.Əyyubova göz yaşlarını saxlaya bilməyib: "Ən xoşbəxt, sevincli günümdür. Üç gündür nəvəm olub. Xoş günlərimi yaşayıram. Bütün analara sevinc göz yaşı qismət olsun". Körpəyə xalq artistinin şərəfinə Mələk adı qoyulub.

    Müğənni Xəyyam Nisanov motosiklet sürüb. Fotosunu sosial şəbəkədə paylaşan ifaçı "Narahat olmayın və həyəcanlanmayın, bu mənim motosikletim deyil. Yoxsa bəzilərinin ürəyi dayanacaq. "Bentley"i düşünün, onun yanında motosiklet? Amma hər şey ola bilər" sözlərini yazıb. Qeyd edək ki, X.Nisanov bu yaxınlarda özünə "Bentley" markalı avtomobil alıb.

    Müğənni Roza Zərgərli bölgələrdə planlaşdırdığı yay turnesi çərçivəsində avqustun 2-də Mingəçevir Dövlət Dram Teatrında solo konsert verəcək. Turnenin ilk konserti Siyəzən rayonunda olub: “Avqustun 2-də Mingəçevir şəhərində solo konsertim olacaq. Biz bu konsertləri “Bakı vaxtı ilə hər bir obada” adı altında, “Ben prodakşn”ın dəstəyi ilə həyata keçiririk. Siyəzəndəki konsertimiz möhtəşəm oldu. Bu tədbir “Baku 2015”in bürünc mükafatçısı Niyazi Əliyevə həsr olunmuşdu. Növbəti konsertlərimiz isə digər çempionlara həsr ediləcək".  Qeyd edək ki, aparıcılığı Zabir Əliyevə həvalə olunan konsertdə R.Zərgərlini “Bakı instrumental ansamblı” müşayiət edəcək. Gecədə qonaq qismində şou-biznesin bir sıra nümayəndələrinin də olacağı gözlənilir.

    Müğənni Zamiq Hüseynov həmkarlarına məsləhət verib. İfaçı açıqlamasında hər kəsi mehriban olmağa səsləyib: "Həyatda bir dəfə yaşayırıq. Çalışaq heç kimin şəxsiyyətinə, xətrinə dəyəcək söz deməyək. İnsanları tanımaq lazımdır. Qəlbinə dəymək olmaz. Sözüm əsasəndə efir adamlarınadır. Bir dəfə yaşayırıq, elə edək ki, bir-birimizə dəstək olaq. Tədbirdə qarşılaşanda başımızı utandığımızdan aşağı salmayaq. Məndə bir dəfə belə hal yaşanıb. Bir müğənni haqqımda yalan xəbər yaymışdı. Tədbirdə məni görəndə, utandığından başını aşağı saldı". Sevgidən danışan Zamiq Hüseynov çətin aşiq olduğunu bildirib: "Mahnılarımın çoxu sevgiyə aiddir. Sevgini yaşayıram, onun təsirindən mahnı yaranır. Hazırda həyatımda belə sevgi yoxdur. Aşiq olmağım çox çətindir. Həyatımda ancaq dörd-beş dəfə sevmişəm. Kimdənsə xoşum gələrsə, onu bir müddət kənardan izləyirəm".

 

Sevda Məmmədova

 

Muz-Tv.az